കൊല്ലം: തീവണ്ടിയാത്രക്കാരിയെ ലൈംഗികമായി ഉപദ്രവിക്കാന് ശ്രമിച്ചെന്ന പരാതിയില് ടിക്കറ്റ് പരിശോധകനെ റെയില്വേ പൊലീസ് അറസ്റ്റ് ചെയ്തു. നേത്രാവതി എക്സ്പ്രസിലെ ടിക്കറ്റ് പരിശോധകനായ കൊല്ലം കടയ്ക്കല് ഷീന മന്ദിരത്തില് ഷിജുവിനെയാണ് റെയില്വേ പൊലീസ് അറസ്റ്റ് ചെയ്തത്. കഴിഞ്ഞ ദിവസം വൈകിട്ട് മൂന്നരയോടെ കൊല്ലത്ത് എത്തിയ നേത്രാവതി എക്സ്പ്രസിലെ എ.സി. കോച്ചില് യാത്ര ചെയ്തിരുന്ന യുവതിയോട് ടിക്കറ്റ് പരിശോധകന് മോശമായി പെരുമാറിയെന്നാണ് പരാതി. ഭര്ത്താവിനൊപ്പം യാത്ര ചെയ്തിരുന്ന തിരുവനന്തപുരം സ്വദേശിനിയാണ് റെയില്വേ പൊലീസില് പരാതി നല്കിയത്.
പരാതിയുടെ അടിസ്ഥാനത്തില് റെയില്വേ പൊലീസ് അന്വേഷണം ആരംഭിക്കുകയും ടിക്കറ്റ് പരിശോധകനായ ഷിജുവിനെ അറസ്റ്റ് ചെയ്യുകയുമായിരുന്നു. എസ്.ഐ. അനില് മാത്യുവിന്റെ നേതൃത്വത്തിലുള്ള സംഘമാണ് പ്രതിയെ പിടികൂടിയത്. സംഭവത്തില് കൂടുതല് അന്വേഷണം തുടരുകയാണെന്ന് റെയില്വേ പൊലീസ് അറിയിച്ചു.
