കൊല്ക്കത്ത: ഇന്ത്യന് ഫുട്ബോള് താരം ചുനി ഗോസ്വാമി അന്തരിച്ചു. ഹൃദയസ്തംഭനത്തെ തുടര്ന്നായിരുന്നു അന്ത്യം. 82 വയസായിരുന്നു. 1962 ല് ഏഷ്യന് ഗെയിംസില് സ്വര്ണം നേടിയ ടീമിന്റെ ക്യാപ്റ്റനായിരുന്നു ചുനി ഗോസ്വാമി.
1956 മുതല് 1964 വരെയുള്ള കാലത്ത് ഇന്ത്യന് ടീമില് അംഗമായിരുന്നു ചുനി ഗോസ്വാമി. ഇന്ത്യയ്ക്ക് വേണ്ടി 50 മാച്ചുകള് അദ്ദേഹം കളിച്ചിട്ടുണ്ട്. പത്മശ്രീ, അര്ജുന അവാര്ഡ് എന്നിങ്ങനെ നിരവധി പുരസ്ക്കാരങ്ങള് അദ്ദേഹം നേടിയിട്ടുണ്ട്.
ക്രിക്കറ്റ് താരം കൂടിയായിരുന്നു അദ്ദേഹം. 1962 മുതല് 1973 വരെയുള്ള കാലത്ത് അദ്ദേഹം ബംഗാളിന് വേണ്ടി കളിച്ചിട്ടുണ്ട്.
