കറാച്ചി: ബാറ്റിംഗ് ക്ഷമതയില് തന്നെ ഇന്ത്യന് നായകനോട് താരതമ്യം ചെയ്യുന്നതിന്റെ അതൃപ്തി പങ്കുവെച്ച് പാക് ഓപ്പണര് ബാബര് അസം. തന്റെ നാട്ടില് ക്രിക്കറ്റ് ഇതിഹാസങ്ങ ളില്ലാഞ്ഞിട്ടാണോ തന്നെ കോഹ്ലിയുമായി താരതമ്യം ചെയ്യുന്നതെന്ന ചോദ്യമാണ് ബാബര് അസം ഉന്നയിച്ചിരിക്കുന്നത്. ലോകക്രിക്കറ്റിലെ ബാറ്റ്സ്മാന്മാരില് മുന്നില് ആരെന്ന താരതമ്യത്തില് പാകിസ്താനില് നിന്നും ബാബറാണ് ഇന്ന് സജീവചര്ച്ചയിലുള്ളത്. നിശ്ചിത ഓവര് ക്രിക്കറ്റിലെ നിലവിലെ പാക് ടീം നായകനാണ് അസം.
കോഹ്ലിയുമായുള്ള താരതമ്യം ഏറ്റവും കുറഞ്ഞത് പാകിസ്താന് മാദ്ധ്യമങ്ങളും താരങ്ങളും ജനങ്ങളും ഒഴിവാക്കണമെന്നാണ് ബാബര് അസം അപേക്ഷിക്കുന്നത്. ‘ പ്രീയ സുഹൃത്തുക്കളെ പാകിസ്താനിലും ക്രിക്കറ്റ് ഇതിഹാസങ്ങളുണ്ട്. നമുക്ക് ബാറ്റിംഗില് ജാവേദ് മിയാന്ദാദ്, യൂനിസ്ഖാന്, ഇന്സമാം എന്നിവരുണ്ടായില്ലേ. പിന്നെയെന്തിനാണ് ഇന്ത്യയിലേക്ക് നോക്കുന്നത്.’ അസം ചോദിക്കുന്നു.
ഐ.സി.സി ട്വന്റി20 റാങ്കിംഗില് നിലവില് ലോക റാങ്കിംഗില് ഒന്നാമതായി നില്ക്കുന്ന ബാറ്റ്സ്മാനാണ് ബാബര് അസം. ഇന്ത്യന് നായകന് കോഹ്ലി ഏകദിനത്തിലെ ഒന്നാം നമ്പര് സ്ഥാനത്തുള്ള ബാറ്റ്സ്മാനാണ്.