കോഴിമുട്ട ദിവസവും കഴിയ്‌ക്കാമോ ?

കോഴിമുട്ട കഴിക്കാത്തവരായി അധികം ആരുമില്ല. ആരോഗ്യത്തിന് ഏറ്റവും നല്ലതാണ് കോഴിമുട്ട. എങ്കിലും മുട്ട കഴിക്കുന്നത് ആരോഗ്യത്തിന് നല്ലതാണ് എന്നും അല്ല എന്നും രണ്ട് അഭിപ്രായങ്ങളുണ്ട്. അതിനു പ്രധാന കാരണം കോഴിമുട്ടയുടെ ഗുണങ്ങളെ കുറിച്ച് പൂര്‍ണമായും അറിയില്ല എന്നതു തന്നെയാണ്. ഒരു പ്രോട്ടീന്‍ കലവറയാണ് കോഴിമുട്ട. ഒരു മുട്ടയില്‍ ആറ് ഗ്രാം പ്രോട്ടീനുണ്ട്.പേശികളുടെ ബലത്തിന് പ്രോട്ടീന്‍ അനിവാര്യമാണ്. ബി വൈറ്റമിനുകളും മുട്ടയില്‍ അടങ്ങിയിട്ടുണ്ട്. കോഴിമുട്ടയുടെ പലതരം വിഭവങ്ങള്‍ നാം കഴിക്കാറുണ്ട് എന്നാല്‍ ഏറ്റവും ആരോഗ്യത്തിന് നല്ലത് മുട്ട പുഴുങ്ങി കഴിക്കുന്നതാണ്.

കുട്ടികള്‍, കൗമാരക്കാര്‍, ഗര്‍ഭിണികള്‍, തുടങ്ങിയവരെല്ലാം ദിവസവും മുട്ട കഴിക്കുന്നത് നല്ലതാണ്. എന്നാല്‍ മുപ്പത് വയസ് കഴിഞ്ഞാല്‍ മുട്ടയുടെ മഞ്ഞ ഒഴിവാക്കി വെള്ള കഴിക്കുന്നതാണ് ഏറ്റവും നല്ലത്. അതിന്റെ പ്രധാന കാരണം കൊളസ്‌ട്രോള്‍ തന്നെയാണ്. ഒരു മുട്ടയില്‍  180-20 മില്ലിഗ്രാം കൊളസ്‌ട്രോള്‍ ഉണ്ട്. സ്ഥിരമായി ഇത് കഴിക്കുമ്പോള്‍ കൊളസ്‌ട്രോള്‍ കൂടാന്‍ സാധ്യതയുണ്ട്. മുട്ടയില്‍ അടങ്ങിയ പ്രോട്ടീനിന്റെ പകുതിയിലധികവും അതിന്റെ വെള്ളയിലാണുള്ളത്.

വെള്ളയില്‍ വിറ്റാമിന്‍ എ, വിറ്റാമിന്‍ ബി, എന്നിവയും കോപ്പര്‍, സിങ്ക്, അയേണ്‍
തുടങ്ങിയ ധാതുക്കളും അടങ്ങിയിട്ടുണ്ട്. 54 മില്ലിഗ്രാം പൊട്ടാസ്യവും ഇതിലുണ്ട്. റൈബോഫ്‌ളോവിനും അടങ്ങിയിരിക്കുന്നു. മുട്ടയില്‍ അടങ്ങിയ ബി 2 വിന്റെ 60 ശതമാനവും വെള്ളയിലാണ് ഉള്ളത്. അതുകൊണ്ടുതന്നെ ഫാറ്റ് ഒഴിവാക്കുന്നതിനും മുട്ടയുടെ വെള്ള സഹായിക്കുന്നു. എന്നാല്‍ മുട്ടയുടെ സ്വാദുള്ള ഭാഗം മഞ്ഞയാണ്. പക്ഷേ ഇത് കഴിക്കുന്നത് ആരോഗ്യത്തിന് ചെറിയ തോതിലെങ്കിലും ദോഷം ചെയ്യുന്നു. കാരണം മുട്ടയുടെ മഞ്ഞയില്‍ കൂടുതല്‍ കലോറി അടങ്ങിയിട്ടുണ്ട്. ഫാറ്റ് കൂടുതലായതിനാല്‍ കൊഴുപ്പും തടിയും കൂട്ടുന്നു. ജലാംശം വളരെ കുറഞ്ഞ മുട്ടയുടെ മഞ്ഞയില്‍ കൊഴുപ്പും കൊഴുപ്പില്‍ അലിയുന്ന ജീവകങ്ങളുമാണ് ധാരാളമായിട്ടുള്ളത്. സന്തോഫിന്‍
എന്ന ഘടകമാണ് മുട്ടയുടെ മഞ്ഞനിറത്തിന് കാരണം. ഏറ്റവും വില കുറച്ച് ലഭിക്കുന്ന പ്രോട്ടീന്‍ അടങ്ങിയ പോഷകാഹാരമാണ് കോഴിമുട്ട മുട്ട.