ന്യൂഡല്ഹി: ഐ.പി.എല്ലിന് കേന്ദ്രസര്ക്കാറിന്രെ ഔദ്യോഗിക അനുമതി ലഭിച്ചു. കഴിഞ്ഞയാഴ്ച വാക്കാല് ലഭിച്ച അനുമതിക്ക് ശേഷമാണ് യു.എ.ഇയില് നടത്താന് രേഖാമൂലം അനുമതി ലഭിച്ചിരിക്കുന്നത്. കേന്ദ്ര വിദേശകാര്യ-ആഭ്യന്തര മന്ത്രാലയങ്ങളുടെ അനുമതികളാണ് ബി.സി.സി.ഐയുടെ സ്റ്റാര് ടൂര്ണ്ണമെന്റിന് ലഭിച്ചിരിക്കുന്നത്.
സെപ്തംബര് 19 മുതല് നവംബര് 19 വരെയാണ് യു.എ.ഇയിലെ വിവിധ സ്റ്റേഡിയങ്ങളിലായി മത്സരം നടക്കുക. ഇതിനിടെ മുഖ്യ സ്പോണ്സറായ ചൈനയുടെ വിവാ മൊബൈലിനെ മാറ്റിയതിന് പകരം ആളായിട്ടില്ല. വരുന്ന 18-ാം തീയതിയോടെ സ്പോണ്സര്മാരെ സംബന്ധിച്ചുള്ള തീരുമാനം എടുക്കുമെന്നുംഐ.പി.എല് ഭരണ സമിതി അറിയിച്ചു. ഐ.പി.എല് ചെയര്മാന് ബ്രിജേഷ് പട്ടേലാണ് വിവരങ്ങള് മാദ്ധ്യമങ്ങളെ ധരിപ്പിച്ചത്.
സ്പോണ്സര്മാരുടെ കാര്യത്തില് പതഞ്ജലിയും റിലയന്സുമാണ് ബി.സി.സി.ഐയുടെ പരിഗണനിയിലുള്ളത്. ഇതില് റിലയന്സ് താല്പ്പര്യമില്ലെന്നാണ് അറിയിച്ചത്. ഇതോടൊപ്പം ആമസോണ്, ബൈജൂസ് ആപ്പ്, ഡ്രീം11 , പേടീയെം,ടാറ്റാ മോട്ടോഴ്സ് എന്നിവരും സ്പോണ്സര്ഷിപ്പിനായി സമീപിച്ചിട്ടുണ്ട്.
Comments