മുംബൈ: ഇന്ത്യന് ക്രിക്കറ്റിന് പുതുജീവന് പകരാനൊരുങ്ങുന്ന ഐ.പി.എല്ലിനായി ടീമുകള് ഈ മാസം യാത്രതിരിക്കും. 21-ാം തീയതി വിവിധ ടീമുകള് യു.എ.ഇയിലേയ്ക്ക് യാത്രതിരിക്കാന് തീരുമാനിച്ചിരിക്കുന്നത്. പ്രത്യേക വിമാനങ്ങളിലാണ് ടീമുകള് യാത്രതിരിക്കുക. കൊറോണ പ്രോട്ടോക്കോള് പാലിച്ചുകൊണ്ടുതന്നെയാണ് യാത്രകള്ക്ക് ടീമുകള് തയ്യാറായിരിക്കുന്നത്.
ഐ.പി.എല്ലിനായി ആദ്യം യാത്രതിരിക്കുന്നത് ചെന്നൈ സൂപ്പര്കിംഗ്സാണ്. ക്യാപ്റ്റന് മഹേന്ദ്ര സിംഗ് ധോണിയടക്കമുള്ള ടീമംഗങ്ങള് ദുബായിയിലെ ബേസ്ക്യാമ്പിലേയ്ക്ക് എത്തുമെന്നാണ് ക്ലബ്ബ് സി.ഇ.ഒ കാശീ വിശ്വനാഥന് അറിയിച്ചിരിക്കുന്നത്.
ആഗസ്റ്റ് മാസം 16-ാം തീയതിമുതല് ചെന്നൈയിലെ ചെപ്പോക്ക് സ്റ്റേഡിയത്തില് ടീമംഗങ്ങള് പരിശീലനം ആരംഭിക്കും. ധോണി, റയ്ന എന്നിവരടക്കം പ്രമുഖ താരങ്ങള് ആഗസ്റ്റ് 14ന് ക്യാമ്പിലെത്തും. ടീമിനൊപ്പം പരിശീലനത്തിനായി 10 ബൗളര്മാരെക്കൂടി ഉള്പ്പെടുത്തുന്നുണ്ടെന്നും ക്ലബ്ബ് അറിയിച്ചു. 53 ദിവസങ്ങള് കൊണ്ടാണ് ഐ.പി.എല് 13-ാം എഡീഷന് ഇത്തവണ പൂര്ത്തിയാകുന്നത്.
Comments