ഐപിഎല്ലിലെ ആദ്യ മത്സരങ്ങള്‍ നഷ്ടപ്പെടുന്ന വിഷമത്തില്‍ ദക്ഷിണാഫ്രിക്കന്‍ താരങ്ങള്‍

ദുബായ്: കൊറോണ കാലത്തെ എല്ലാ വിഷമവും മറക്കാന്‍ ഐപിഎല്‍ തുടങ്ങിയാലും കാത്തിരിക്കേണ്ട് അവസ്ഥയിലാണ് ദക്ഷിണാഫ്രിക്കന്‍ താരങ്ങള്‍. റോയല്‍ ചലഞ്ചേഴ്‌സ് ബാംഗ്ലൂരിന്റെ നിര്‍ണ്ണായക താരമായ ഡിവിലിയേഴ്‌സാണ് നിരാശ പങ്കുവെച്ചത്. നാട്ടില്‍ നിന്നും നേരിട്ട് ദുബായിലേയ്‌ക്ക് വന്നതിനാല്‍ കൊറോണ പരിശോധനയും ക്വാറന്റൈനും കഴിഞ്ഞാലെ കളിക്കാനാകൂ എന്ന സാങ്കേതിക പ്രശ്‌നമാണ് കളികളില്‍ നിന്നും മാറി നില്‍ക്കേണ്ട സാഹചര്യം ഉണ്ടാക്കിയത്. നാട്ടില്‍ നിന്നും പുറപ്പെടാനിരിക്കുന്ന മറ്റ് താരങ്ങള്‍ക്ക് ദക്ഷിണാഫ്രിക്കയുടെ കൊറോണ പ്രോട്ടോക്കോള്‍ പാലിക്കാന്‍ ഒരു മാസം ക്വാറന്റൈനില്‍ കഴിയേണ്ട അവസ്ഥയാണെന്നും ഡിവിലിയേഴ്‌സ് പറഞ്ഞു.

And here it is RCB fans, the moment you’ve all been waiting for! 🤩@ABdeVilliers17, @DaleSteyn62 and @Tipo_Morris have joined the team in Dubai! 😎#PlayBold #TravelDay #IPL2020 pic.twitter.com/l0n09ZV5Jb

— Royal Challengers Bengaluru (@RCBTweets) August 22, 2020

ഡിവിലിയേഴ്‌സിനൊപ്പം പേസ് ബൗളര്‍ സെയില്‍ സ്റ്റെയിനും ക്രിസ് മോറിസും ഇന്ന് രാവിലെ ടീമിനൊപ്പം ദുബായിയില്‍ ഒരുമിച്ചു ചേര്‍ന്നു. ബാംഗ്ലൂര്‍ റോയല്‍ ചലഞ്ചേഴ്‌സ് വലിയ ആവേശത്തോടെയാണ് ഡിവിലിയേഴ്‌സും, സ്‌റ്റെയിനും മോറിസും ടീമിനൊപ്പം ചേര്‍ന്ന വിവരം അറിയിച്ചത്. എല്ലാവരും കൊറോണ പരിശോധന നെഗറ്റീവായാല്‍ ഉടന്‍ പരിശീലനത്തിനിറങ്ങുമെന്നും മുന്‍ ദക്ഷിണാഫ്രിക്കന്‍ നായകന്‍ അറിയിച്ചു.