ജീവിതത്തിന്റെ ഭാഗമായി മാറിയിരിക്കുന്ന സ്മാർട്ട്‌ഫോണുകൾ നേരിടുന്ന പ്രധാന പ്രശ്നമാണ് വേഗതകുറയുക എന്നത്. മൊബൈൽ ഫോണുകൾ ഇല്ലാതെ ഒരു ദിവസം തുടങ്ങുവാനോ അവസാനിപ്പിക്കുവാനോ സാധിക്കാത്തവണ്ണം നമ്മൾ മൊബൈൽ ഫോണുകൾക്ക് അടിമപ്പെട്ട് പോയിരിക്കുന്നു. ഫോണുകൾക്ക് എന്തെങ്കിലും കംപ്ലെയിൻറ് വന്നുകഴിഞ്ഞാലോ പുത്തൻ ഫോൺ വാങ്ങുക എന്നതാണ് പലരുടെയും ചിന്ത.
ചില നുറുങ്ങുവിദ്യകൾ ചെയ്താൽ ഫോണിന്റെ പല പ്രശ്നങ്ങളും മാറ്റാവുന്നതെ ഉള്ളൂ. ഫോണുകളെയോ സിമ്മുകളെയോ കുറ്റം പറയാതെ ഇനി പറയുന്ന കാര്യങ്ങൾ ശ്രദ്ധയോടെ മനസിലാക്കി ഫോണിന്റെ വേഗത വർധിപ്പിക്കുവാൻ ശ്രമിക്കുക.
1. കാഷെ ഡിലീറ്റ് ചെയ്യുക. ഏതെങ്കിലും ആപ്പോ വെബ്സൈറ്റോ ഓപ്പൺ ചെയ്ത് കഴിഞ്ഞാൽ പിന്നീട് തുറക്കുവാനുള്ള എളുപ്പത്തിൽ കുറച്ച് കാഷെ അത് അവശേഷിപ്പിച്ചിട്ടുണ്ടാകും. ഇത് റാമിലാണ് ഉണ്ടാകുക. മറ്റൊരു ആപ്ലിക്കേഷൻ ഓപ്പൺ ചെയ്യുമ്പോൾ ബാക്കിയുള്ള റാം മാത്രമേ അതിനായി ലഭിക്കുകയുള്ളു. സെറ്റിങ്‌സിലെ സ്റ്റോറേജ് ഓപ്ഷനിലെ കാഷെ ഡിലീറ്റ് ചെയ്യുക വഴി കാഷെ ഒഴിവാക്കാൻ സാധിക്കും.
2. ഉപയോഗിക്കാത്ത ആപ്പുകൾ ഡിലീറ്റ് ചെയ്യാൻ ശ്രമിക്കുക. അധികം ആപ്പുകൾ ഫോണിൽ ഉണ്ടാകുന്നത് സ്‌പേസ് കുറയാൻ കാരണമാകും. ഇത് കാഷെയ്‌ക്ക് കാരണമാവുകയും ഫോൺ സ്ലോ ആകുകയും ചെയ്യും.
3. മികച്ച വെബ് ബ്രൗസറുകളിൽ ഒന്നായ ക്രോം ഓപ്പൺ ചെയ്ത് വലത് വശത്ത് മുകളിലായി കാണുന്ന ഹാംബർഗർ ഐക്കൺ ക്ലിക്ക് ചെയ്ത് സെറ്റിങ്സിൽ ഡാറ്റ സേവർ ഓപ്ഷൻ ഓൺ ചെയ്യുക വഴി ഫോണിന്റെ വേഗത വർദ്ധിപ്പിക്കാം.
4. ലൈവ് വാൾപേപ്പറുകൾ ഉപയോഗിക്കാതിരിക്കുക.
5. ഫോണിലെ ആനിമേഷനുകൾ ഓഫ് ചെയ്യുക.
6. ആപ്പുകളുടെ ലൈറ്റ് വേർഷനുകൾ ലഭ്യമാണെങ്കിൽ അവ ഉപയോഗിക്കാൻ ശ്രമിക്കുക.
7. ഹോം സ്‌ക്രീനിലെ ആവശ്യമില്ലാത്ത സർവീസുകൾ ഓഫ് ചെയ്യുക.
8. എപ്പോഴും ഓൺ ആയി ഇരിക്കുന്ന സ്ക്രീനുകൾ ഉപയോഗിക്കാതിരിക്കുക.(ഫോൺ അൺലോക്ക് ചെയ്യാതെ തന്നെ നോട്ടിഫിക്കേഷനുകൾ വായിക്കുന്നതിന് ചിലർ ഇത്തരം സ്ക്രീനുകൾ ഉപയോഗിക്കുന്നു.
