അങ്ങനെ ഈ വര്ഷത്തെ ഓണവും കടന്നുപോയി. ചെറിയ തോതിലാണെങ്കിലും കുറച്ചു വിഭവങ്ങള് ഉള്പ്പെടുത്തി ഓണസദ്യയും കഴിഞ്ഞു. എന്നാല് വിവാഹങ്ങള്ക്കായാലും മറ്റുള്ള ആഘോഷങ്ങള്ക്കാണെങ്കിലും സദ്യ വിളമ്പുന്നതിന്റെ രസമൊന്നു വേറെയാണ്. സദ്യയെന്ന് കേള്ക്കുമ്പോള് നാവില് കൊതി നിറയും. ഇലയിട്ട് അതില് ഉപ്പു തൊട്ടു ഓരോ വിഭാഗങ്ങളായി വിളമ്പി വരുന്നത് കാണാന് തന്നെ ഒരു ഭംഗിയാണ്. ചോറു വരുന്നതു വരെ കാത്തിരിക്കാന് പലര്ക്കും പ്രയാസമാണ്. വിഭവങ്ങള് ഓരോന്നായി വിളമ്പി തുടങ്ങുമ്പോള് നമ്മള് കഴിക്കാന് തുടങ്ങും. ശര്ക്കര വരട്ടിയും വറുത്തുപ്പേരിയുമാണ് കൂടുതല് ആളുകളും ആദ്യം അകത്താക്കുന്നത്.
സദ്യ പൂര്ണ്ണമാകണമെങ്കില് ഇവ വേണം. ഈ രണ്ടു താരങ്ങളും ഇല്ലാതെ എങ്ങനെയാണ് സദ്യ വിളമ്പുക. വീടുകളില് സദ്യയൊരുക്കുമ്പോള് എല്ലാ വിഭവങ്ങളും നമ്മള് വീട്ടില് തന്നെ ഉണ്ടാക്കുന്നു. എന്നാല് ശര്ക്കര വരട്ടിയും വറുത്തുപ്പേരിയും പുറത്തുനിന്ന് വാങ്ങുകയാണ് പതിവ്. എന്നാല് അതിന്റെ ആവശ്യമില്ല. ഇവ രണ്ടും എളുപ്പം വീട്ടില് തന്നെ ഉണ്ടാക്കിയെടുക്കാവുന്ന സാധനങ്ങളാണ്. ശര്ക്കര വരട്ടി തയ്യാറാക്കുന്നതിനായി പച്ചക്കായ തൊലി കളഞ്ഞ് നീളത്തില് കീറി ഉപ്പും മഞ്ഞള്പ്പൊടിയും കലക്കിയ വെള്ളത്തിലേക്ക് ചെറിയ കഷ്ണങ്ങളാക്കി ഇടുക.
അതിനുശേഷം തിളച്ച വെളിച്ചെണ്ണയിലേക്കിട്ടു വറുത്തു കോരുക. ശര്ക്കന പാനിയിൽ ചുക്കു പൊടി ചേര്ത്ത് തിളപ്പിച്ചു വെള്ളം വറ്റി തുടങ്ങുമ്പോള് വറുത്തുവെച്ചിരിക്കുന്ന കായ അതിലേക്ക് ചേര്ക്കുക. മുകളില് ജീരകപ്പൊടിയും ചേര്ത്ത് കട്ടകെട്ടാതെ ഇളക്കി കൊടുക്കുക ചൂടാറിയ ശേഷം ഉപയോഗിക്കാം. അതുപോലെ തന്നെ നല്ല മൂത്ത പച്ചക്കായ നാലായി കീറി കനം കുറച്ച് ഒരേ വലുപ്പത്തില് അരിഞ്ഞടുക്കുക അതിനു ശേഷം മഞ്ഞള്പ്പൊടിയും ഉപ്പും ചേര്ത്ത് നന്നായി ചൂടായ വെളിച്ചെണ്ണയില് ഇട്ടു കൊടുക്കുക എന്നിട്ട് നന്നായി വറുത്തു കോരുക. എളുപ്പത്തില് തന്നെ കായ വറുത്തതും ശര്ക്കര വരട്ടിയും റെഡി. സദ്യ വീട്ടില് തന്നെ ഉണ്ടാക്കാം എല്ലാ വിഭവങ്ങളും ഉള്പ്പെടെ.
Comments