ദുബായ്: യോര്ക്കറുകളുടെ രാജാവായ ലസിത് മലിംഗ ഇല്ലാതെ ഇത്തവണ മുംബൈ ഇന്ത്യന്സ് ഐ.പി.എല്ലില് ഇറങ്ങുന്നു. അച്ഛന് സുഖമില്ലാത്തതിനാല് മലിംഗ ശ്രീലങ്കയില് നിന്നും ദുബായിലേക്ക് എത്തില്ലെന്ന വിവരമാണ് ക്ലബ്ബിനെ അറിയിച്ചത്. മലിംഗയുടെ അഭാവത്തില് ബൗളിംഗ് നിര ശക്തമാക്കാന് ഓസ്ട്രേലിയയുടെ ജെയിംസ് പാറ്റിന്സണെ ടീമിലെടുത്തതായി മുംബൈ ഇന്ത്യന്സ് അറിയിച്ചു.
ബൗളിംഗില് മലിംഗ ഒരു ഇതിഹാസമാണ്. മുംബൈ ഇന്ത്യന്സിന്റെ പകരം വെയ്ക്കാനാ വാത്ത കരുത്തന്. എന്നാല് പ്രത്യേക സാഹചര്യത്തില് നാട്ടില് കുടുംബത്തോടൊപ്പം ഉണ്ടാവേണ്ട സാഹചര്യം തിരിച്ചറിയുന്നു. പകരക്കാരനായി ജയിംസ് പാറ്റിന്സണ് ടീമിന് ഉചിതമായ താരമാണെന്നും മുംബൈ ഇന്ത്യന്സ് ഉടമ ആകാശ് അംബാനി പറഞ്ഞു.
ഐ.പി.എല്ലിലെ ഏറ്റവും വലിയ വിക്കറ്റ് വേട്ടക്കാരനാണ് മലിംഗ. 122 മത്സരങ്ങളിലായി 170 വിക്കറ്റുകളാണ് മലിംഗ വീഴ്ത്തിയത്. പാറ്റിന്സണ് ആദ്യമായാണ് ഐ.പി.എല് മല്സരത്തിന്റെ ഭാഗമാകുന്നത്.
