അടുക്കള ജോലി വളരെ എളുപ്പമാണ് എന്നാണ് മിക്ക പുരുഷന്‍മാരുടയേും ധാരണ. ഒരിക്കലെങ്കിലും അതൊന്നും ചെയ്തു നോക്കിയാല്‍ മാത്രമേ അതിന്റെ പ്രയാസം എത്രയാണെന്ന് മനസ്സിലാകുകയുള്ളൂ. ഭക്ഷണം പാകം ചെയ്യുമ്പോള്‍ ഉപ്പും, മുളകും, പുളിയും അറിഞ്ഞു ഉപയോഗിച്ചാല്‍ മാത്രമേ ഉണ്ടാക്കുന്ന വിഭവം വേണ്ടത്ര രീതിയില്‍ വിജയിക്കുകയുള്ളൂ. ആഹാരം പാകം ചെയ്യുമ്പോള്‍ ഒരുപാട് ബുദ്ധിമുട്ടുകള്‍ ഉണ്ടാകാറുണ്ട്. അടുക്കളയില്‍ ശ്രദ്ധിക്കേണ്ട അല്ലെങ്കില്‍ ഉപയോഗിക്കേണ്ട ചില നുറുങ്ങു വിദ്യകളാണ് താഴെ പരിചയപ്പെടുത്തുന്നത്.
പുഴുങ്ങിയ മുട്ട മുറിക്കുന്നതിനു മുന്‍പ് കത്തി തിളച്ച വെള്ളത്തില്‍ മുക്കിയ ശേഷം ഉപയോഗിച്ചാല്‍ മുട്ട പൊട്ടുകയില്ല. പപ്പടം കാച്ചുന്നതിനു മുന്നേ ഒരു തുണിയില്‍ തുടച്ചെടുത്ത ശേഷം എണ്ണയില്‍ ഇട്ടാല്‍ എണ്ണ കറുത്ത പോകുന്നത് ഇല്ലാതാക്കാം. ഉപ്പു കലര്‍ത്തിയ തണുത്ത വെള്ളത്തില്‍ കുറച്ചു നേരം ഇട്ടുവച്ചാല്‍ ബ്രോയിലര്‍ ചിക്കനില്‍ പറ്റിപ്പിടിച്ചിരിക്കുന്ന രക്തക്കറ മാറികിട്ടും. കറികളില്‍ എരിവ് കൂടിപ്പോയാല്‍ തേങ്ങാപ്പാല്‍ ചേര്‍ത്താല്‍ മതി എരിവ് കുറയും. കറികളില്‍ ഉപ്പ് കൂടി പോയാല്‍ ഉരുളക്കിഴങ്ങ് പുഴുങ്ങി തൊലി കളഞ്ഞ് കറി അല്‍പനേരം കറിയില്‍ ഇട്ടുവച്ചാല്‍ ഉപ്പു കുറയുന്നു. പച്ചരി ചീനച്ചട്ടിയിലിട്ട് ഒന്ന് ചൂടാക്കിയ ശേഷം കുതിര്‍ത്ത് അരച്ചെടുത്താല്‍ ഇഡ്ഡലിയ്‌ക്കു നല്ല മയവും സ്വാദും ലഭിക്കും.
പുട്ടു കുറ്റിയുടെ ഉള്ളില്‍ അല്പം എണ്ണ പുരട്ടിയാല്‍ പൊടി കുറ്റിയുടെ അകത്ത് ഒട്ടിപിടിക്കുന്നത് ഇല്ലാതാക്കാം. പൂരിയുടെ മാവില്‍ അല്പം പാലും ചേര്‍ത്തു കുഴച്ചാല്‍ പൂരി നല്ലതു പോലെ ഉയര്‍ന്നു വരികയും മൃദുവായി കിട്ടുകയും ചെയ്യുന്നു. ബിരിയാണി ഉണ്ടാക്കുന്നതിനു മുന്‍പ് പാത്രത്തിന് അടിത്തട്ടില്‍ സവാള വിതറിയാല്‍ അടിയില്‍ പിടിക്കുകയില്ല. മിക്ക ആളുകളുടെയും പ്രശ്‌നമായാണ് സവാള അരിയുമ്പോള്‍ കണ്ണ് എരിയുന്നത്. എന്നാല്‍ ഫ്രിഡ്ജില്‍ വച്ച് തണുപ്പിച്ച ശേഷം അരിഞ്ഞാല്‍ കണ്ണെരിയില്ല. മീനിലും ഇറച്ചിയിലുമെല്ലാം മുളകു തേച്ചു കഴിഞ്ഞാല്‍ കയ്യില്‍ ഉണ്ടാകുന്ന പുകച്ചില്‍ ഇല്ലാതാക്കാന്‍ വെളിച്ചെണ്ണയോ വിനാഗിരിയോ പുരട്ടിയാല്‍ മതി. പാവയ്‌ക്ക കഴിക്കാന്‍ കുട്ടികള്‍ മടികാണിക്കുന്നതിന്റെ പ്രധാന കാരണം അതിന്റെ കയ്പാണ് അരി കഴുകിയ വെള്ളത്തില്‍ പാവയ്‌ക്ക കഴിക്കുകയാണെങ്കില്‍ അതിലെ കയ്പ് ഒഴിവാകും.
Comments