ഷിംല: കങ്കണ റാണാവത്തിനെതിരെ അധികാരം പ്രയോഗിക്കുന്ന ശിവസേനാ നേതാക്കള് ക്കെതിരെ വിമര്ശനവുമായി കങ്കണയുടെ അമ്മ ആഷ റണാവത് രംഗത്ത്. മുഖ്യമന്ത്രി ഉദ്ധവ് താക്കറെയുടെ പേര് എടുത്തുപറഞ്ഞാണ് വിമര്ശനം നടത്തിയത്. നിങ്ങള് തകര്ത്തിരി ക്കുന്നത് കങ്കണയുടെ കെട്ടിടമല്ല, മറിച്ച് ബാല് താക്കറേയുടെ ആത്മാവിനേയാണ്’ ആഷ പറഞ്ഞു.
രാവിലെ ബൃഹന്മുംബൈ കോര്പ്പറേഷന് അധികൃതര് ബുള്ഡോസറുമായെത്തിയാണ് കങ്കണയുടെ ഉടമസ്ഥതിയിലുള്ള മണികര്ണ്ണിക ഫിലീംസിന്റെ ഓഫീസ് തകര്ത്തത്. എന്നാല് നടപടി പുരോഗമിക്കുന്നതിനിടെ മുംബൈ ഹൈക്കോടതി പൊളിക്കല് തടഞ്ഞ് ഉത്തരവിട്ടു.
ജസ്റ്റിസ് എസ്.ജെ. കാത്വാലയാണ് കോര്പ്പറേഷന് നടപടി സ്റ്റേ ചെയ്തത്. ഉടമസ്ഥനില്ലാത്ത ഒരു വസ്തുവില് സര്ക്കാര് ഉദ്യോഗസ്ഥര് എന്ത് നിയമത്തിന്റെ പേരിലാണ് നടപടി ആരംഭിച്ചതെന്ന് കോടതി ചോദിച്ചു. കേസ്സ് നാളത്തേയ്ക്ക് മാറ്റിയിരിക്കുകയാണ്. ബി.എം.സി അധികൃതര് നേരിട്ട് കോടതിയിലെത്താനാണ് നിര്ദ്ദേശം.
