ഒരുപാട് നല്ല കഥാപാത്രങ്ങളിലൂടെ മലയാളി പ്രേക്ഷകരുടെ മനസ്സില് ഇടം കണ്ടെത്തിയ നായികമാരില് ഒരാളായിരുന്നു ദിവ്യാ ഉണ്ണി . മലയാളത്തിലെ പ്രമുഖ താരങ്ങളോടൊപ്പം നിരവധി സൂപ്പര്ഹിറ്റ് ചിത്രങ്ങളിലൂടെ താരം നമുക്ക് മുന്നില് എത്തിയിട്ടുണ്ട്. അഭിനേത്രി എന്നതിലുപരി ഒരു നര്ത്തകി കൂടിയാണ് ദിവ്യാ ഉണ്ണി . വിവാഹ ശേഷം സിനിമയില് നിന്നും വിട്ടു നിന്നു. ആദ്യമൊന്നും സോഷ്യല് മീഡിയയില് അത്ര സജീവമല്ലാതിരുന്ന ദിവ്യാ ഉണ്ണി തന്റെ രണ്ടാം വിവാഹത്തോടെയാണ് കൂടുതല് സജീവമായത്.
തുടര്ന്ന് തന്റെ വിവാഹത്തിന്റെ ചിത്രങ്ങളും സോഷ്യല് മീഡിയയില് താരം പങ്കുവെച്ചിരുന്നു.ആദ്യ വിവാഹം പരാജയമായതോടെ 2018 ലാണ് ഹസ്റ്റൂണിലെ ഗുരുവായൂരപ്പന് ക്ഷേത്രത്തില് വെച്ച് എന്ജീനിയറായ അരുണ് കുമാര് മണികണ്ഠനെ ദിവ്യാ ഉണ്ണി വിവാഹം കഴിച്ചത്. നൃത്ത അധ്യാപികയായ ദിവ്യ ഉണ്ണി ശ്രീ പാദം സ്കൂള് ഓഫ് ആര്ട്സ് എന്ന പേരില് ഒരു നൃത്ത വിദ്യാലയം ആരംഭിച്ചിരുന്നു. അര്ജുന്, മീനാക്ഷി എന്നീ രണ്ടു മക്കള്ക്കു ശേഷം ജനുവരി പതിനാലിനാണ് നാണ് ദിവ്യാ ഉണ്ണിയ്ക്ക് വീണ്ടും ഒരു പെണ് കുഞ്ഞു ജനിക്കുന്നത്.
ഐശ്വര്യ എന്ന് പേരിട്ടിരിക്കുന്ന മകളോടൊപ്പമുള്ള നിമിഷങ്ങളാണ് ദിവ്യാ ഉണ്ണി ഇപ്പോള് സോഷ്യല് മീഡിയയില് പങ്കുവച്ചിരിക്കുന്നത്. ക്യാമറയ്ക്ക് പിറകില് ഞങ്ങള് ഇങ്ങനെയാണ് എന്നാണ് ചിത്രത്തിനടിയില് താരം കുറിച്ചത്. തന്റെ മകളുടെ നിഷ്കളങ്കമായ ചിരിയും ചുറ്റുമുളളതെല്ലാം കാണുമ്പോഴുളള അവളുടെ കണ്ണിലെ കൗതുകവും കണ്ടിരിക്കാനാണ് ഏറെ ഇഷ്ടം എന്നും താരം കുറിച്ചു. അമ്മയും മകളും ഒരു പോലെ ചിരിച്ചു കൊണ്ടു നില്ക്കുന്ന ചിത്രം ആരെയും ആകര്ഷിക്കുന്ന ഒന്നാണ്.
