ഇസ്ലാമാബാദ്: അന്താരാഷ്ട്ര നിയന്ത്രണങ്ങള്‍ ലഘൂകരിക്കാന്‍ നീക്കവുമായി പാകിസ്താന്‍. സാമ്പത്തിക അന്വേഷണ എജന്‍സികളുടെ നിയന്ത്രണം മറികടക്കാനായി നാലു ഭീകരരെ വെടിവെച്ചു കൊന്നുവെന്നാണ് പാകിസ്താന്‍ അറിയിക്കുന്നത്. സൈന്യം നടത്തിയ നീക്കത്തിലൂടെയാണ് രാജ്യത്ത് ഭീകരരായ നാലു പേരെ വധിച്ചത്. ഖൈബര്‍ പഖ്തൂണ്‍ഖ്വാ മേഖലയില്‍വെച്ചാണ് ഭീകരര്‍ കൊല്ലപ്പെട്ടതെന്നാണ് പാക് സൈന്യം പറയുന്നത്.
ഭീകര സംഘടനയുടെ കമാന്റര്‍ എന്ന നിലയില്‍ പ്രവര്‍ത്തിക്കുന്ന ഇഷാനുള്ളയട ക്കമുള്ളവരാണ് കൊല്ലപ്പെട്ടിരിക്കുന്നത്. വടക്കന്‍ വസീറിസ്ഥാന്‍ മേഖലയിലാണ് ഭീകരരുമായി ഏറ്റുമുട്ടല്‍ നടന്നതെന്നാണ് സൈന്യം അവകാശപ്പെടുന്നത്. നിരവധി ബോംബാക്രമണങ്ങളുടെ സൂത്രധാരന്മാരാണ് കൊല്ലപ്പെട്ടതെന്നും പാകിസ്താന്‍ ചാരസംഘടനയായ ഐ.എസ്.ഐ അന്താരാഷ്ട്ര ഏജന്‍സികളെ ട്വിറ്ററിലൂടെ അറിയിച്ചു. ഭീകരരെ സംരക്ഷിക്കുന്ന പാകിസ്താന്റെ നിലപാടുകള്‍ക്കെതിരെ അന്താരാഷ്ട്ര സാമ്പത്തിക വിഭാഗം നിരവധി മുന്നറിയിപ്പുകള്‍ നല്‍കിയിരുന്നു. ഭീകരരെ പിടികൂടുന്നതടക്കമുള്ള നടപടികളില്‍ വിശ്വാസയോഗ്യമായ റിപ്പോര്‍ട്ടുകള്‍ ഫെബ്രുവരി മാസത്തിനുള്ളില്‍ നല്‍കണമെന്ന കാര്യത്തില്‍ പാകിസ്താന്‍ മെല്ലെപ്പോക്കാണ് സ്വീകരിക്കുന്നത്.
Comments