ലോക് ഡൗണിനു ശേഷമുള്ള മോഹൻലാലിന്റെ ആദ്യ ചിത്രമായ ദൃശ്യത്തിന്റെ രണ്ടാം ഭാഗം ഉടൻ തന്നെ ചിത്രീകരണം ആരംഭിക്കുന്നതാണ് . ജീത്തു ജോസഫ് സംവിധാനം ചെയ്ത ദൃശ്യം മോഹൻലാലിന്റെ ഏറ്റവും മികച്ച ഹിറ്റ് ചിത്രങ്ങളിൽ ഒന്നാണ് .
കൊറോണ മഹാമാരിയെ തുടർന്ന് ദൃശ്യത്തിന്റെ രണ്ടാം ഭാഗത്തിന്റെ ചിത്രീകരണം രണ്ടു പ്രാവശ്യം നീട്ടി വെക്കേണ്ടി വന്നു . ഓഗസ്റ്റിൽ ചിത്രീകരണം ആരംഭിക്കേണ്ടിയിരുന്ന ചിത്രം സംസ്ഥാനത്ത് കൊറോണ ബാധിതരുടെ എണ്ണം ദിനം പ്രതി കൂടി കൊണ്ടിരുന്നതിനാലായിരുന്നു ഒരു തവണ നീട്ടി വെച്ചത് . ഇപ്പോൾ വീണ്ടും ചിത്രീകരണം ഒരാഴ്ചത്തേക്ക് കൂടി നീട്ടിയിരിക്കുകയാണ് .
റിപ്പോർട്ടുകളുടെ അടിസ്ഥാനത്തിൽ സെപ്റ്റംബർ പതിനഞ്ചോട് കൂടിയാണ് ചിത്രീകരണം ആരംഭിക്കാൻ ഇരുന്നത് ഇപ്പോൾ അത് സെപ്റ്റംബർ ഇരുപത്തിലേക്ക് നീട്ടിയിരിക്കുകയാണ് . ചെന്നൈയിൽ ആയിരുന്ന മോഹൻലാൽ കേരളത്തിൽ എത്തിയതിന് ശേഷം ചില പരസ്യങ്ങളും , തിരുവോണ പരിപാടികളുടെ ചിത്രീകരണത്തിലും പങ്കെടുത്തിരുന്നു .
ആദ്യ ലോക്കഡോൺ പ്രഖ്യാപിച്ച സമയത്ത് , ജീത്തു ജോസെഫിന്റെ തന്നെ ചിത്രമായ “റാം “ന്റെ ചിത്രീകരണത്തിനായി മോഹൻലാൽ ഡൽഹിയിലേക്കും വിദേശത്തേക്കും പോകാൻ ഇരിക്കുകയായിരുന്നു .എന്നാൽ അടുത്ത വർഷം മാത്രമേ രാമിന്റെ ചിത്രീകരണം പുനരാരംഭിക്കൂ എന്നതിനാൽ എല്ലാ പ്രോട്ടോക്കോളുകളും പിന്തുടർന്ന് കൊണ്ട് ദൃശ്യത്തിന്റെ രണ്ടാം ഭാഗത്തിന്റെ ചിത്രീകരണം ആരംഭിക്കാൻ ജീത്തു ജോസഫും മോഹൻലാലും തീരുമാനിക്കുകയായിരുന്നു .
ലോക് ഡൗൺ സമയത്ത് ചിത്രത്തിന്റെ തിരക്കഥ ഒരുക്കിയിരിക്കുന്നതിനാൽ നിയന്ത്രണങ്ങൾ കണക്കിലെടുത്തുകൊണ്ടാണ് രംഗങ്ങൾ ചിട്ടപ്പെടുത്തിയിരിക്കുന്നത് എന്ന് സംവിധായകൻ ജീത്തു ജോസഫ് പറയുകയുണ്ടായി .
മോഹൻലാലിനെ കൂടാതെ മീന, അൻസിബ, എസ്തർ അനിൽ എന്നിവർ തന്നെയായിരിക്കും മുഖ്യ കഥാപാത്രങ്ങളെ അവതരിപ്പിക്കുന്നത് . ദൃശ്യം ഇറങ്ങി ഏഴ് വർഷത്തിന് ശേഷമാണ് രണ്ടാം ഭാഗത്തിനായുള്ള തയ്യാറെടുപ്പുകൾ നടക്കുന്നത് .
Comments