കൊറോണ വൈറസ് ബാധയെ തുടര്ന്ന് നമ്മുടെ നിത്യ ജീവിതത്തിന്റെ ഭാഗമായ ഒന്നാണ് മാസ്കുകള്. കൊറോണ പ്രതിരോധ മാര്ഗങ്ങില് ഏറ്റവും പ്രധാനപ്പെട്ട ഒന്നാണ് മാസ്ക് ധരിക്കല്. എന്നാല് എങ്ങനെയാണ് മാസ്കുകള് കൃത്യമായി ഉപയോഗിക്കേണ്ടെതെന്നതിനെ കുറിച്ച് പലര്ക്കും കൃത്യമായ ധാരണയില്ല. മാസ്കുകള് എങ്ങനെ ശരിയായി ഉപയോഗിക്കാമെന്നത് സംബന്ധിച്ച മാര്ഗ നിര്ദ്ദേശങ്ങള് പുറത്തിറക്കിയിരിക്കുകയാണ് ലോകാരോഗ്യ സംഘടന. വൈറസ് വ്യാപനം തടയാനായി എങ്ങനെ മാസ്ക് ധരിക്കാമെന്നത് സംബന്ധിച്ച ലോകാരോഗ്യ സംഘടനയുടെ നിര്ദ്ദേശങ്ങള് എന്തൊക്കെയാണെന്ന് നോക്കാം.
1. അയഞ്ഞ മാസ്ക് ധരിക്കരുത്
ലോകാരോഗ്യ സംഘടനയുടെ പ്രധാന നിര്ദ്ദേശങ്ങളിലൊന്നാണിത്. അയഞ്ഞ മാസ്ക് ധരിച്ചാല് അത് മുഖത്ത് നിന്നും എളുപ്പത്തില് തെന്നിമാറും. ഇത് വൈറസ് ബാധിക്കാന് ഇടയാകും. അതിനാല് എപ്പോഴും മുഖത്തിന് പാകമുള്ള മാസ്ക് ധരിക്കാന് ശ്രദ്ധിക്കണം. കൂടുതല് വലുതോ ചെറുതോ ആകാന്ഡ പാടില്ല.
2. മൂക്കിന് താഴെ മാസ്ക് ധരിക്കുക
ശ്വസന കണങ്ങളിലൂടെയാണ് കൊറോണ വൈറസ് പകരുന്നത്. അതിനാല് മാസക് മൂക്കും വായും ന്നനായി മൂടുന്ന രീതിയില് ധരിക്കണം.
3. താടിയ്ക്ക് താഴെ മാസ്ക് വെയ്ക്കരുത്
മൂക്കും വായും നന്നായി മൂടി സംരക്ഷിക്കാനാണ് മാസ്ക് ധരിക്കുന്നത്. താടിയിലേക്ക് മാസ്ക് താഴ്ത്തി വെച്ചാല് യാതൊരു പ്രയോജനവും ഉണ്ടാകില്ല.
4. മറ്റുള്ളവരോട് സംസാരിക്കുമ്പോള് മാസ്ക് ധരിക്കണം
ഉമിനീരിലൂടെ വൈറസ് പകരാന് സാധ്യതയുണ്ട്. അതിനാല് മറ്റുള്ളവരോട് സംസാരിക്കുമ്പോള് കൃത്യമായും മാസ്ക് ധരിക്കണം. ഇല്ലെങ്കില് രോഗവ്യാപന സാധ്യത കൂടും.
5. മറ്റൊരാളുമായി മാസ്ക് പങ്കിടരുത്
ആരൊക്കെയാണ് രോഗബാധിതരെന്നും ആര്ക്കാണ് വൈറസ് ബാധ ഉള്ളതെന്നും നമുക്കറിയില്ല. അതിനാല് തന്നെ അവരവരുടെ മാസ്ക് അവരവര് തന്നെ ഉപയോഗിക്കണം. മാസ്ക് ആരുമായും പങ്കുവെയ്ക്കരുത്.
6. മാസ്കില് ഇടക്കിടെ തൊടരുത്
മാസ്ക്കില് ഇടയ്ക്കിടെ തൊടുന്നത് ശരിയല്ല. ഇത് രോഗവ്യാപന സാധ്യത വര്ധിപ്പിക്കും.
