നീല നിറമുള്ള പാമ്പുകൾ ലോകത്ത് അധികമില്ല എന്നാൽ ഉള്ളവയുടെ അപൂർവ്വ നിറം ആരെയും ആകർഷിക്കുന്നതാണ് . അത്തരമൊരു നീല നിറമുള്ള പിറ്റ് വൈപ്പറിന്റെ വീഡിയോ ആണ് ഇപ്പോൾ സമൂഹ മാദ്ധ്യമങ്ങളിൽ ചർച്ച ആയിരിക്കുന്നത് .
ഒരു ചുവന്ന റോസാപ്പൂവിൽ ഇരിക്കുന്ന നീല നിറമുള്ള പാമ്പിന്റെ സൗന്ദര്യമാണ് ഏവരെയും ആകർഷിച്ചിരിക്കുന്നത് . ധാരാളം ആളുകൾ ആണ് ഈ പാമ്പിന്റെ സൗന്ദര്യത്തെ വർണ്ണിച്ചു കൊണ്ട് വീഡിയോക്ക് താഴെ കമെന്റ് ചെയ്തിരിക്കുന്നത് .
കാണുന്ന പോലെ മനോഹരമല്ല ഈ പിറ്റ് വൈപ്പറിന്റെ സ്വഭാവം . ഈ പാമ്പിന്റെ വിഷം ശരീരത്തിൽ ചെന്നാൽ ആന്തരികമായും ബാഹ്യമായും രക്തസ്രാവം ഉണ്ടാക്കുകയും കഠിനമായ വേദന , നീർക്കെട്ട് എന്നിവ ഉണ്ടാക്കുകയും ചെയ്യും . അപൂർവ്വമായി മാത്രമേ ഇവയുടെ വിഷം മരണ കാരണം ആകാറുള്ളൂ .
മോസ്കോ മൃഗശാലയുടെ അഭിപ്രായത്തിൽ, വെളുത്ത ലിപ്ഡ് ഐലന്റ് പിറ്റ് വൈപ്പറിന്റെ നീല ഇനമാണ് ഇന്തോനേഷ്യയിലും കിഴക്കൻ തിമോറിലും കാണപ്പെടുന്ന വിഷമുള്ള പിറ്റ് വൈപ്പർ . വെളുത്ത ലിപ്ഡ് പിറ്റ് വൈപ്പറുകൾ യഥാർത്ഥത്തിൽ പച്ച നിറത്തിൽ ആണ് കാണുക , നീല നിറമുള്ള ഇനങ്ങളെ വളരെ അപൂർവമായി മാത്രമേ കാണാൻ സാധിക്കാറുള്ളൂ .
മോസ്കോ മൃഗശാലയുടെ ജനറൽ ഡിറക്ടറായ സ്വെറ്റ്‌ലാന അകുലോവയുടെ അഭിപ്രായത്തിൽ രണ്ടു നീല നിറമുള്ള പിറ്റ് വൈപ്പർ ഇനത്തിൽ ഉള്ള പാമ്പുകൾക്ക് പച്ച നിറത്തിൽ ഉള്ള പിറ്റ് വൈപ്പർ പാമ്പിൻ കുഞ്ഞുങ്ങൾക്ക് ജന്മം നല്കാൻ സാധിക്കും . ജനിക്കുമ്പോൾ തന്നെ സ്വയം പ്രതിരോധിക്കാൻ ഉള്ള കഴിവോടെയാണ് അവർ ജന്മം എടുക്കുന്നത് എന്നതാണ് മറ്റൊരു പ്രത്യേകത .
ലൈഫ് ഓൺ എർത്ത് എന്ന ട്വിറ്റെർ അക്കൗണ്ടിലൂടെയാണ് ” അവിശ്വസനീയമാംവിധം മനോഹരമായ ബ്ലൂ പിറ്റ് വൈപ്പർ” എന്ന അടികുറിപ്പോടെ നീല നിറമുള്ള പാമ്പിന്റെ വീഡിയോ സമൂഹ മാദ്ധ്യമങ്ങളിൽ പങ്കു വെച്ചിരിക്കുന്നത് . ഒരു ദിവസം മുൻപ് മാത്രം പോസ്റ്റ് ചെയ്ത വീഡിയോ ഇതുവരെ അൻപത്തി രണ്ടായിരം ആളുകളാണ് കണ്ടിരിക്കുന്നത് . കൂടാതെ മൈക്രോബ്ലോഗ്ഗിങ് പ്ലാറ്റ്‌ഫോം ആയ റെഡിറ്റിലൂടെ ഇതുവരെ 2 .2 ദശലക്ഷം ആളുകളാണ് ഈ വീഡിയോ ഇതുവരെ കണ്ടിരിക്കുന്നത് .
ഇന്തോനേഷ്യയിലെ ബാലിയിൽ ഏറ്റവും കൂടുതൽ ആളുകൾക്ക് പാമ്പിൻ വിഷം ഏൽക്കുന്നത് വൈറ്റ്-ലിപ്ഡ് ഐലന്റ് പിറ്റ് വൈപ്പറുകളിൽ നിന്നാണ് എന്നുള്ളത് മറ്റൊരു വസ്തുതയാണ് .
വീഡിയോ കാണാൻ ആയി ലിങ്കിൽ ക്ലിക്ക് ചെയ്യുക
https://twitter.com/i/status/1306620212045844482
Comments