ഐസ്ക്രീം ഇഷ്ടപ്പെടാത്ത കുട്ടികള് ഉണ്ടോ…… എന്നാല് കുട്ടികളെക്കാള് ഏറെ എസ്ക്രീം ഇഷ്ടപ്പെടുന്ന മുതിര്ന്നവരും ഉണ്ട്. ഇടയ്ക്കൊക്ക പുറത്തു പോയി ഐസ്ക്രീം കഴിക്കാന് കുട്ടികള് വളരെ ഇഷ്ടമാണ്. എന്നാല് കൊറോണ കാലം ആയതു കൊണ്ട് ഇപ്പോള് കുട്ടികളുമായി പുറത്തു പോകുന്നത് അത്ര സുരക്ഷിമല്ല. അതുകൊണ്ട് തന്നെ വീട്ടില് എങ്ങനെ നമുക്ക് എളുപ്പം ഐസ്ക്രീം ഉണ്ടാക്കിയെടുക്കാം എന്നു നോക്കാം. ഇപ്പോള് കുട്ടികള്ക്ക് പ്രിയങ്കരമായ മാംഗോ ഐസ്ക്രീമും ഓറിയോ ഷെയ്ക്കും ഉണ്ടാക്കുന്നത് എങ്ങിനെ എന്നു നോക്കാം.
ഇതിനായി നല്ല പഴുത്ത മാങ്ങ എടുത്ത് തൊലി കളഞ്ഞ് ചെറിയ കഷണങ്ങള് ആക്കുക അത് പഞ്ചസാരയും ചേര്ത്ത് മിക്സിയിലിട്ട് നന്നായി അടിച്ചെടുക്കുക. അതിനു ശേഷം ഇതൊരു ബൗളിലേക്ക് മാറ്റുക. പിന്നീട് അതിലേക്ക് കുറച്ച് മില്ക്ക് കൂടി ചേര്ത്ത് നന്നായി ഇളക്കി യോജിപ്പിക്കുക. പിന്നീട് ഇത് തണുക്കാന് ഫ്രിഡ്ജില് വയ്ക്കുക. അല്പ സമയത്തിനു ശേഷം പുറത്തെടുക്കുക. വളരെ രുചികരമായ മാംഗോ ഐസ്ക്രീം തയ്യാറായി. രുചിയോടെ കഴിക്കാം.
അതുപോലെ തന്നെ കുട്ടികള് ഏറെ ഇഷ്ടപ്പെടുന്ന ഒന്നാണ് ഓറിയോ ബിസ്ക്കറ്റ. ഇത് വച്ച് എളുപ്പത്തില് ഒരു ഓറിയോ മില്ക്ക് ഷേക്ക് ഉണ്ടാക്കിയെടുക്കാം. ഇതിനായി ഓറിയോ ബിസ്ക്കറ്റ് നന്നായി പൊടിച്ചെടുക്കുക. അതിലേക്ക് അല്പം പാലും പഞ്ചസാരയും കൂടി ചേര്ത്ത് നന്നായി അടിച്ചെടുക്കുക. ശേഷം അതിനു മുകളില് കുറച്ചു ചോക്ലേറ്റ് പൊടി കൂടി വിതറി കൊടുക്കുക ഓറിയോ മില്ക്ക് ഷേക്ക് റെഡിയായി കഴിഞ്ഞു. ഓറിയോ ഷേക്ക് മില്ക്ക്, മാംഗോ ഐസ്ക്രീം എന്നിവ പരീക്ഷിച്ചു നോക്കൂ കുട്ടികള്ക്ക് ഏറെ ഇഷ്ടപ്പെടുന്നതും സ്വാദിഷ്ടമായ വിഭവങ്ങളാണ് ഇവ
Comments