സ്വർണ്ണമെന്ന ലോഹത്തെ കുറിച്ച് പറയുമ്പോൾ തന്നെ സ്വർണ്ണാഭരണങ്ങളുടെ ചിത്രമായിരിക്കും മനസിൽ വരിക. സ്വർണ്ണ വില കുതിച്ചുയരുമ്പോഴും സ്വർണ്ണത്തോടുള്ള തങ്ങളുടെ ഭ്രമത്തിന് ചങ്ങലയിടാൻ പലർക്കും സാധിക്കുന്നില്ല. ഇത്രയധികം നമ്മെ മോഹിപ്പിക്കുന്ന ഒരു ലോഹം വേറെ ഇല്ല എന്ന് തന്നെ പറയാം. എന്നിരുന്നാലും സ്വർണ്ണത്തെ പറ്റി നമുക്കറിയാത്ത പല കാര്യങ്ങളും ഉണ്ട്. അതെന്തൊക്കെ ആണെന്ന് നോക്കാം.
1. സ്വർണ്ണാഭരണങ്ങൾ ദിവസവും ധരിക്കുന്നതിലൂടെ ഒരു വർഷം 6 മില്ലിഗ്രാം സ്വർണ്ണം തേഞ്ഞ് തീരുമെന്നാണ് പറയുന്നത്.
2. സ്വർണ്ണമെന്ന ലോഹത്തെ ഇഷ്ടപ്പെടാത്തവരായി ആരും തന്നെയില്ല. എന്നാൽ ഈ ലോഹത്തെ ഭയപ്പെടുന്നവരും ഉണ്ട്. സ്വർണ്ണ ലോഹത്തെ ഭയപ്പെടുന്ന രോഗത്തെ ഓറോഫോബിയ എന്നാണ് പറയുന്നത്. സ്വർണ്ണത്തെ കുറിച്ച് സംസാരിക്കുമ്പോൾ തന്നെ ഇവർ അസ്വസ്ഥരാകും.
3. സന്ധിവാതത്തിന്റെ ചികിത്സാരീതികളിലും സ്വർണ്ണത്തിന് സ്ഥാനമുണ്ട്. ലിക്വിഡ് സ്വർണ്ണത്തെ സിരകളിലൂടെ കുത്തിവെയ്ക്കുന്നത് സന്ധിവാത ചികിത്സാ രീതിയാണെന്ന് പറയുന്നു.
4. നമ്മുടെ ശരീരത്തിൽ ഒഴുകുന്ന രക്തത്തിൽ 0.2 മില്ലിഗ്രാം സ്വർണ്ണം അടങ്ങിയിരിക്കുന്നു.
5. സ്വർണ്ണം വൈദ്യൂതി ചാലക ലോഹമാണ്.
6. ശുദ്ധമായ സ്വർണ്ണം 24 കാരറ്റ് ആണ്. 18 കാരറ്റ് സ്വർണ്ണം എന്നത് 75 ശതമാനം ശുദ്ധമായതും 14 കാരറ്റ് എന്നത് 58.5 ശതമാനം ശുദ്ധമായതും 10 കാരറ്റ് എന്നത് 41.7 ശതമാനം ശുദ്ധമായതുമാണ്.
7. സ്വർണ്ണം കഴിക്കുന്നത് നല്ലതാണെന്ന് പറയുന്നു. ചെറിയ കുട്ടികൾക്ക് സ്വർണ്ണമുരച്ച് നാവിൽ നൽകുന്ന പതിവ് നമ്മുടെ ഭാരതത്തിൽ ഉള്ളത് എല്ലാവർക്കും അറിവുള്ള കാര്യമാണല്ലോ.
8. എ ടി എമ്മിൽ പോവാത്തവർ ആയി ആരും തന്നെയുണ്ടാകില്ല. എന്നാൽ സ്വർണ്ണം കിട്ടുന്ന എ ടി എമ്മിൽ പോയിട്ടുണ്ടോ? ദുബായിലെ ഒരു ഹോട്ടലിലെ എ ടി എമ്മിൽ ആണ് 10 ഗ്രാം സ്വർണ്ണബാറുകൾ ലഭിക്കുന്നത്.
സ്വർണ്ണത്തെ കുറിച്ചുള്ള വിശേഷങ്ങൾ തീർന്നില്ല. നമുക്ക് ചിന്തിക്കാൻ പോലുമാകാത്ത നിരവധി പ്രത്യേകതകൾ ആണ് സ്വർണ്ണത്തിനുള്ളത് എന്ന് എടുത്തുപറയേണ്ടത് തന്നെയാണ്.
