ലഡാക്ക്: അതിര്ത്തിയില് ഇരുപത്തിനാല് മണിക്കൂറും നിരീക്ഷണം നടത്തുന്ന ഇന്ത്യന് സേനയ്ക്ക് കരുത്തുപകരാന് ഇനി അത്യാധുനിക ഡ്രോണുകളും . ഇസ്രായേലിന്റെ ശക്തമായ നിരീക്ഷണ ഡ്രോണായ ഹെറോണിനൊപ്പം ഇനി അമേരിക്കന് നിര്മ്മിത ആക്രമണ ശേഷിയുള്ള ഗ്വാര്ഡിയനും രംഗത്തിറങ്ങുകയാണ്. ഇസ്രായേലിന്റെ ഹെറോണിനെ കൂടുതല് ആധുനിക വല്ക്കരിക്കാനും സൈന്യം തീരുമാനിച്ചു.
ഇന്ത്യ നിരീക്ഷണ ഡ്രോണുകള്ക്ക് തുക മുടക്കുന്നതിന് പകരം ആക്രമിക്കാന് ക്ഷമതയുള്ള ഡ്രോണുകള് തന്നെ അതിര്ത്തിയില് ഉപയോഗിക്കണമെന്ന ശക്തമായ ആവശ്യം മൂന്ന് സേനാ വിഭാഗങ്ങളും ഉന്നയിച്ചിരുന്നു. ഇതോടെയാണ് അടിയന്തരമായി ഡ്രോണുകള്ക്ക് മാറ്റങ്ങള് വരുത്താന് പ്രതിരോധ മന്ത്രാലയം തീരുമാനിച്ചത്.
അമേരിക്ക ഭീകരര്ക്കെതിരെ ലെബനനിലടക്കം ഫലപ്രദമായി ഉപയോഗിച്ച അത്യാധുനിക ഡ്രോണാണ് എംക്യൂ-9ബി സ്കൈ ഗാര്ഡിയന്. അമേരിക്കയിലെ ജനറല് ആട്ടോമിക്സാണ് ഡ്രോണുകള് നിര്മ്മിക്കുന്നത്. 40 മണിക്കൂര് തുടര്ച്ചയായി പറക്കാനും 40,000 അടി ഉയരത്തില് പറന്ന് ശത്രുവിനെ തകര്ക്കാനും സാധിക്കുന്നവയാണ് അമേരിക്കയുടെ ഡ്രോണുകള്. മാത്രമല്ല 2.5 ടണ് ഭാരം വഹിക്കാന് സാധിക്കുന്ന ഡ്രോണുകള്ക്ക് മിസൈലുകള്വരെ കൈകാര്യം ചെയ്യാനാകും. ഡ്രോണുകള് വാങ്ങാനുള്ള പ്രതിരോധ മന്ത്രാലയത്തിന്റെ അടിയന്തര സന്ദേശം അമേരിക്കന് പ്രസിഡന്റ് ട്രംപിനെ അറിയിച്ചതായാണ് സൂചന.
ഇന്ത്യന് പ്രതിരോധ ആയുധ നിര്മ്മാണ രംഗത്തിന് ചൈനയുടെ ഭീഷണി കൂടുതല് കരുത്തുപകര്ന്നതായി പ്രതിരോധ മന്ത്രാലയ വിദഗ്ധര് പറഞ്ഞു. നിരവധി ഇന്ത്യന് സ്വകാര്യ കമ്പനികളും മികച്ച ഡ്രോണുകള് നിര്മ്മിച്ചുകൊണ്ടിരിക്കുകയാണ്.
Comments