ന്യൂഡല്ഹി: ഇന്ത്യന് വ്യോമസേനാ ദിനത്തിന്റെ ശുഭാരംഭം കുറിച്ചത് സേനാ വിഭാഗങ്ങളുടെ തലവന്മാരെ അഭിവാദ്യം ചെയ്തുകൊണ്ട്. രാവിലെ എട്ടുമണിയോടെ വ്യോമസേനാ മെഡലുകളടക്കം നല്കി സൈനികരെ ആദരിച്ച ചടങ്ങാണ് ആദ്യം നടത്തിയത്. വ്യോമസേനാ മേധാവി എയര്ചീഫ് മാര്ഷല് ആര്.കെ.എസ്.ബദോരിയയാണ് സൈനികര്ക്ക് വിശിഷ്ട സേവന മെഡലുകള് നല്കിയത്. തുടര്ന്നാണ് വ്യോമസേനാ ദിന ചടങ്ങുകള് ആരംഭിച്ചത്.
വിംഗ് കമാന്റര് സാഗര് മധുകര് പാരാഞ്പേ നയിച്ച പരേഡാണ് വേദിക്കഭിമുഖമായി ആദ്യം നടന്നത്. വ്യോമസേനാ കമാന്റര്മാരുടേയും വിശിഷ്ടാതിഥികളുടേയും കുടുംബാംഗങ്ങളുടേയും സാന്നിദ്ധ്യത്തിലാണ് പരിപാടികള് ആരംഭിച്ചത്.
ഇന്ത്യന് നാവികസേനാ മേധാവി ചീഫ് ഓഫ്് നേവല് സ്റ്റാഫ് അഡ്മിറല് കരംബീര് സിംഗാണ് ആദ്യം സദസ്സിലേക്ക് ആനയിക്കപ്പെട്ടത്. 24-ാം മത്തെ നാവിക സേനാ മേധാവിയാണ് കരംബീര് സിംഗ്. വ്യോമസേനയുടെ വാദ്യവിഭാഗത്തിന്റെ താളത്തില് നാവികസേനാ മേധാവിയെ അഭിവാദ്യം ചെയ്തു.
ഇന്ത്യന് കരസേനാ മേധാവി ജനറല് മനോജ് മുകുന്ദ് നരവാനേയും വ്യോമസേനയുടെ പ്രത്യേക അഭിവാദനം ഏറ്റുവാങ്ങി സദസ്സില് വിശിഷ്ടവ്യക്തികളുടെ ഭാഗമായി. പ്രതിരോധ മന്ത്രി രാജ്നാഥ് സിംഗ് എത്തുന്നതിന് മുന്നേയാണ് നാവികസേനയുടേയും കരസേനയുടേയും മേധാവികളെ സ്വീകരിച്ചത്. വ്യോമസേനാ ദിനത്തിന്റെ ഭാഗമായി യുദ്ധവിമാനങ്ങളും ഹെലികോപ്റ്ററുകളുമടക്കം 56 വിമാനങ്ങളാണ് അഭ്യാസപ്രകടനത്തില് പങ്കെടുക്കുന്നത്.
Comments