കൊറോണ പരിശോധന ഫലം അതിവേഗം ലഭിക്കുന്നതിനുള്ള സംവിധാനവുമായി ഓക്സ്ഫോര്ഡ് യൂണിവേഴ്സിറ്റി ഗവേഷകര്. ഈ ഡയഗ്നോസ്റ്റിക് പരിശോധനയിലൂടെ മിനിട്ടുകള്ക്കുള്ളില് തന്നെ കൊറോണ പരിശോധന ഫലം ലഭിക്കുമെന്ന് ഒരു അന്താരാഷ്ട്ര മാദ്ധ്യമം റിപ്പോര്ട്ട് ചെയ്തു. വെറും അഞ്ച് മിനിട്ടിനുള്ളില് തന്നെ പരിശോധനയിലൂടെ വൈറസിന്റെ സാന്നിദ്ധ്യം തിരിച്ചറിഞ്ഞതായാണ് റിപ്പോര്ട്ടുകള്.
ഈ ഉപകരണം കൂടുതല് മെച്ചപ്പെടുത്തിയതിന് ശേഷം വിമാനത്താവളം, മറ്റ് തിരക്കേറിയ സ്ഥലങ്ങള് തുടങ്ങിയ ഇടങ്ങളിലെല്ലാം കൊറോണ പരിശോധനക്കായി ഉപയോഗിക്കാനാകുമെന്നാണ് കരുതുന്നത്. 2021ന്റെ തുടക്കത്തില് തന്നെ ഇതിന്മേല് കൂടുതല് നവീകരണ പ്രവര്ത്തനങ്ങള് നടത്തുമെന്നും, ആറ് മാസത്തിനുള്ളില് തന്നെ കൃത്യമായ പരിശോധന ഉപകരണം ലഭ്യമാക്കുമെന്നുമാണ് പ്രതീക്ഷിക്കുന്നത്. പരീക്ഷണം വേഗത്തിലാക്കി, പരിശോധന ഉപകരണം വികസിപ്പിക്കാന് കൂടുതല് നിക്ഷേപങ്ങള് തേടുന്നതായും ഗവേഷകര് അറിയിച്ചു.
