മുംബൈ: മഹാരാഷ്ട്രാ മുഖ്യമന്ത്രി ഉദ്ധവ് താക്കറെയ്ക്ക് മറുപടിയുമായി നടി കങ്കണാ റണാവത് വീണ്ടും. ഉദ്ധവ് താക്കറെ വ്യക്തിപരമായും സംസ്ഥാനത്തിന്റെ പേര് പറഞ്ഞും നടത്തിയ പൊതു പ്രസംഗത്തിനെതിരെയാണ് കങ്കണ പ്രതികരിച്ചത്. മുഖ്യമന്ത്രി എന്ന നിലമറന്ന് പകയും വിദ്വേഷവുമായി തനിക്കെതിരെ തിരിയുന്നത് മഹാരാഷ്ട്രയുടെ സംസ്കാരത്തിന് നാണക്കേടാണെന്നും കങ്കണ വിമര്ശിച്ചു.
തന്റെ അച്ഛന്റെ പദവിയും പണവും ഉപയോഗിച്ച് താനിതുവരെ മദ്യപിച്ചിട്ടുമില്ല, മയക്കുമരുന്നും കഴിച്ചിട്ടില്ല. സ്വന്തം അച്ഛന്റെ അധികാരവും പദവിയും നിങ്ങളാണ് ആസ്വദിച്ചത്. ഇനി എനിക്ക് ഒരു ലഹരി വേണമെങ്കില് മുംബൈയിലെ ലഹരി മാഫിയ വേണ്ട. ഞാനെന്റെ സ്വന്തം നാട്ടില് തന്നെ തുടര്ന്നേനെയെന്നും കങ്കണ ഉദ്ധവിനുള്ള മറുപടിയായി പറഞ്ഞു.
Chief Minister I am not drunk on my father’s power and wealth like you, if I wanted to be a nepotism product I could have stayed back in Himachal, I hail from a renowned family, I didn’t want to live off on their wealth and favours, some people have self respect and self worth.
— Kangana Ranaut (@KanganaTeam) October 26, 2020
മുംബൈ സിനിമാലോകത്തെ മയക്കുമരുന്ന് സാമ്രാജ്യത്തിനെതിരെ കങ്കണയുടെ പോരാട്ടമാണ് ഉദ്ധവിനെ ചൊടിപ്പിച്ചത്. ഇതിനെതിരെ കങ്കണയുടെ സംസ്ഥാനമായ ഹിമാചല് പ്രദേശത്താണ് കഞ്ചാവ് തോട്ടങ്ങളുള്ളതെന്നും മഹാരാഷ്ട്രയിലെ ജനങ്ങള് കഞ്ചാവല്ല തുളസിയാണ് നടുന്നതെന്നുമാണ് ഉദ്ധവ് പ്രസംഗിച്ചത്. ഇതിനെതിരെയാണ് കങ്കണ ഉദ്ധവിനേയും ബാൽ താക്കറെയെ പരോക്ഷമായി പരാമർശിച്ചു കൊണ്ട് പ്രതികരിച്ചത്.
ഒരു മുഖ്യമന്ത്രിയുടെ പദവിയിലിരിക്കാന് യോഗ്യതയുള്ളയാളല്ല ഉദ്ധവെന്നും കങ്കണയുടെ പ്രതികരിച്ചു. വെറും നിസ്സാരകാര്യത്തില് പോലും ഇടപെടുന്ന തരംതാണ സ്വഭാവം മുഖ്യമന്ത്രികസേരയ്ക്ക് ചേര്ന്നതല്ലെന്നും കങ്കണ പ്രതികരിച്ചു. സ്വന്തം നാടിനെ വിശദമായും സാംസ്കാരികമായും ഉദ്ധവിന് പരിചയപ്പെടുത്തിക്കൊടുക്കാനും കങ്കണ മറന്നില്ല.
‘ഹിമാലയം ദേവഭൂമിയാണ്. എന്റെ നാട് ഭഗവാന് ശിവന്റേയും ദേവി മാ പാര്വ്വതിയുടേയും ദിവ്യഭൂമിയാണ്. ഏറ്റവും അധികം ക്ഷേത്രങ്ങളുള്ള സ്ഥലം. യാതൊരു കുറ്റകൃത്യങ്ങളും നടക്കാത്ത ശാന്തമായ ഇടമാണത്. ആപ്പിളും കിവിയും മാതളവും സ്ട്രോബറിയും വിളയുന്ന ഫലപൂയിഷ്ടമായ പ്രദേശമാണ് തന്റെ നാട്. അല്ലാതെ കഞ്ചാവ് വിളയിക്കാനുള്ള പ്രദേശമല്ല’ കങ്കണ ഹിമാചലിനെ വിശദമായി പരിചയപ്പെടുത്തി.
സ്വന്തം സ്ഥാനം എന്താണെന്ന് അറിയാത്ത നിങ്ങളെയോര്ത്ത് മഹാരാഷ്ട്രയിലെ ജനങ്ങള് ലജ്ജിക്കണം. മുംബൈയും മനാലിയും എന്റെ വീടാണ്. നിങ്ങള്ക്കിഷ്ടമില്ലാത്തവരെ വ്യക്തിപരമായി അധിക്ഷേപിക്കുന്നതിലൂടെ സ്വയം തരംതാണിരിക്കുന്നു. ഇത്രയ്ക്കും വൃത്തികെട്ട രാഷ്ട്രീയം കാണിക്കുന്ന നിങ്ങള് മുഖ്യമന്ത്രി കേസരയ്ക്ക് അപമാനമാണെന്നും കങ്കണ ഉദ്ധവ് താക്കറേയ്ക്കെതിരെ തുറന്നടിച്ചു.
ശിവസേനയുടെ നേതാവ് സഞ്ജയ് റൗത്ത് തുടര്ച്ചയായി കങ്കണക്കെതിരെ നടത്തിവന്ന വാക്പോരിനെ കൂട്ടുപിടിച്ചാണ് ഉദ്ധവും കഴിഞ്ഞ ദിവസം ഹിമാചല് സ്വദേശിയായ കങ്കണക്കെതിരെ പരാമര്ശം നടത്തിയത്. ഉദ്ധവിന്റെ പരാമര്ശത്തിനെതിരെ രൂക്ഷമായ ഭാഷയിലാണ് കങ്കണ മറുപടി നല്കിയത്. ശിവസേനയുടെ ദസ്സറ ആഘോഷത്തിന്റെ ഭാഗമായി അണികളെ അഭിസംബോധന ചെയ്യുന്നതിനിടെയാണ് കങ്കണയ്ക്കെതിരെ ഉദ്ധവിന്റെ പരാമർശം വന്നത്.
Comments