ലണ്ടന്‍: ഇംഗ്ലീഷ് പ്രീമിയര്‍ ലീഗില്‍ നാളെ പ്രമുഖ ടീമുകളെല്ലാം കളത്തിലിറങ്ങും. നിലവിലെ ചാമ്പ്യന്മാരായ ലിവര്‍പൂളും മുന്‍ ചാമ്പ്യന്മാരായ മാഞ്ചസ്റ്റര്‍ സിറ്റിയും ചെല്‍സിയും നാളെ എതിരാളികളെ നേരിടും. മാഞ്ചസ്റ്റര്‍ സിറ്റി ഷെഫീല്‍ഡ് യുണൈറ്റഡിനോടാണ് ഏറ്റുമുട്ടുന്നത്. കഴിഞ്ഞ മത്സരത്തില്‍ വെസ്റ്റ്ഹാമിനോട് സമനില വഴങ്ങേണ്ടി വന്ന ക്ഷീണത്തിലാണ് സിറ്റി.
ലിവര്‍പൂളിനോടും ആഴ്‌സണലിനോടും തോറ്റ ഷെഫീല്‍ഡ് ഫുള്‍ഹാമുമായി തൊട്ടുകഴിഞ്ഞ മത്സരത്തില്‍ സമനില പിടിച്ചിരുന്നു. മറ്റ് മത്സരങ്ങളില്‍ ചെല്‍സി ബേണ്‍ലിയേയും ലിവര്‍പൂള്‍ വെസ്റ്റ്ഹാമിനെയുമാണ് നേരിടുന്നത്.മാഞ്ചസ്റ്ററിനോടും സതാംപ്ടണിനോടും സമനില വഴങ്ങിയാണ് ചെല്‍സി നില്‍ക്കുന്നത്. ലിവര്‍പൂള്‍ മുന്‍മത്സരങ്ങളില്‍ എവര്‍ട്ടണിനോട് സമനിലയും ഷെഫീല്‍ഡ് യുണൈറ്റഡിനോട് ജയവും നേടിയാണ് നാളെ കളത്തിലിറങ്ങുന്നത്.
Comments