ജോഹന്നാസ്ബര്ഗ്: ദക്ഷിണാഫ്രിക്കയ്ക്കെതിരായ ടി20 പരമ്പര ഇംഗ്ലണ്ടിന്. രണ്ടാം ടി20യില് നാലുവിക്കറ്റിനാണ് ഇംഗ്ലീഷ് നിര ആതിഥേയരെ തോല്പ്പിച്ചത്. ദക്ഷിണാഫ്രിക്കയുടെ 7ന് 146 എന്ന സ്കോറാണ് 6 വിക്കറ്റ് നഷ്ടത്തില് ഇംഗ്ലണ്ട് മറികടന്നത്. 55 റണ്സ് നേടിയ ഡേവിഡ് മലാനാണ് ഇംഗ്ലണ്ടിന്റെ ബാറ്റിംഗ് നിരയില് തിളങ്ങിയത്. 17 പന്തില് 26 റണ്സ് നേടിയ ക്യാപ്റ്റന് മോര്ഗന് ശക്തമായ പിന്തുണ നല്കി. ബട്ലര് 22 റണ്സില് പുറത്തായി. ദക്ഷിണാഫ്രിക്കയ്ക്ക് വേണ്ടി ഷാംസി 19 റണ്സിന് മൂന്ന് വിക്കറ്റ് വീഴ്ത്തി ഇംഗ്ലണ്ടിന് ശക്തമായ വെല്ലുവിളി ഉയര്ത്തി. മൂന്ന് മത്സരങ്ങളുടെ പരമ്പര 2-0നാണ് ഇംഗ്ലണ്ട് സ്വന്തമാക്കിയത്.
ബാറ്റിംഗിന് ദുഷ്ക്കരമായ പിച്ചില് 40 പന്തിലാണ് മലാന് 55 റണ്സ് നേടി വീറുറ്റ പ്രകടനം പുറത്തെടുത്തത്. ഒരു സിക്സറും അഞ്ച് ബൗണ്ടറികളുമാണ് മലാന് നേടിയത്. തന്റെ 18 അമന്താരാഷ്ട്ര മത്സരങ്ങളില് തന്റെ 9-ാം അര്ദ്ധസെഞ്ച്വറിയാണ് ഇംഗ്ലീഷ് യുവതാരം നേടിയത്. ആദ്യം ബാറ്റ് ചെയ്ത ദക്ഷിണാഫ്രിക്കയ്ക്ക് വേണ്ടി 30 റണ്സെടുത്ത ഡീ കോക് മാത്രമാണ് തിളങ്ങിയത്. വാലറ്റത്ത് ജോര്ജ്ജ് ലിന്ഡേ 20 പന്തില് നേടിയ 29 റണ്സാണ് ഭേദപ്പെട്ട സ്കോറിലേക്ക് എത്തിച്ചത്. മധ്യനിരയില് വാന് ഡെര് ഡ്യൂസണ് 25 റണ്സുമായി പുറത്താകാതെ നിന്നു.
ഇംഗ്ലണ്ടിന്റെ ജോഫ്രാ ആര്ച്ചറും ആദില് റഷീദുമാണ് ആതിഥേയരെ വരിഞ്ഞുമുറുക്കിയത്. രണ്ടു പേരും ആകെ വിട്ടുനല്കിയത് 41 റണ്സാണ്. ഇരുവരുടേയും 22 പന്തുകളില് ദ്ഷിണാഫ്രിക്കന് നിരയ്ക്ക് റണ്സെടുക്കാനായില്ല. ആര്ച്ചര്, ക്യൂരന്, ജോര്ദ്ദാന് എന്നിവര് ഒരുവിക്കറ്റ് വീതവും റഷീദ് രണ്ടു വിക്കറ്റും വീഴ്്ത്തി.
