ലക്നൗ ; മുംബൈയിലെ വ്യവസായികളെ ഉത്തര് പ്രദേശിലേക്ക് ക്ഷണിച്ച മുഖ്യമന്ത്രി യോഗി ആദിത്യനാഥിനെതിരെ ഭീഷണിയുമായി ഉദ്ധവ് താക്കറെ . മേക്ക് ഇന് ഉത്തര്പ്രദേശിന്റെ ഭാഗമായാണ് മഹാരാഷ്ട്രയിലെ പ്രമുഖരായ എല്ലാ വ്യവസായികളെയും വ്യവസായ യൂണിറ്റുകളെയും യുപിയിലേക്ക് യോഗി ക്ഷണിച്ചത്.
എന്നാൽ ഇതിനെതിരെ ശിവസേനയും മുഖമന്ത്രി ഉദ്ധവ് താക്കറെയും രംഗത്തെത്തി. തന്റെ സംസ്ഥാനത്ത് നിന്ന് ഒന്നും ബലമായി പിടിച്ചെടുക്കാന് ആരെയും അനുവദിക്കില്ലെന്നുള്ള വെല്ലുവിളിയാണ് താക്കറെ ഉയര്ത്തിയിരിക്കുന്നത്.
ആരുടെയും പുരോഗതിയില് തങ്ങള്ക്ക് യാതൊരു അസൂയയുമില്ലന്ന് പറഞ്ഞ ഉദ്ധവ് മുബൈയിലെ ഒരു വ്യവസായവും യുപിയിലേക്ക് മാറ്റാന് അനുവദിക്കില്ലെന്നും പറഞ്ഞു. ‘ ചില ആളുകള് വ്യവസായികളെ കാണാനായി വരും. തന്റെ സംസ്ഥാനത്തേക്ക് നിക്ഷേപത്തിനായി വരണമെന്ന് നിങ്ങളോട് അവര് പറയും. എന്നാല് അവര്ക്ക് മഹാരാഷ്ട്രയുടെ കാന്തികശക്തിയെപ്പറ്റി അറിയില്ല. ഇവിടുന്ന് പോകുന്നവരെ പൂര്ണ്ണമായും മറക്കും. അങ്ങനെ സംഭവിക്കരുതെന്നും ‘ വ്യവസായികളെ ഭീഷണിപ്പെടുത്തികൊണ്ട് ഉദ്ധവ് പറഞ്ഞു.
അതേ സമയം മുംബൈയിലെത്തുന്ന യോഗി ആദിത്യനാഥ് വ്യവസായികള്ക്ക് പുറമേ ബോളിവുഡ് താരങ്ങളുമായും കൂടിക്കാഴ്ച നടത്തും. യുപിയിലെ നിര്ദ്ദിഷ്ട ഫിലിം സിറ്റിയുടെ നിര്മാണവുമായി ബന്ധപ്പെട്ടാണ് അദ്ദേഹം ചലച്ചിത്ര താരങ്ങളുമായി കൂടിക്കാഴ്ച നടത്തുക
