അയ്നൂസ് എന്റര്ടൈന്റ്മെന്റ്സിന്റെ ബാനറില് അരുണ് മോഹന് സംവിധാനം ചെയ്ത ഫീസ്റ്റ് എന്ന ഷോര്ട്ട് ഫിലിം സമൂഹ മാദ്ധ്യമങ്ങളില് ഏറെ ശ്രദ്ധ നേടുന്നു. സാധാരണയില് നിന്നും വേറിട്ട ആശയമാണ് ഫീസ്റ്റിലൂടെ പ്രേക്ഷകര്ക്കു മുന്നില് എത്തിക്കുന്നത്. നിഗൂഢത നിറഞ്ഞ പശ്ചാത്തലത്തിലൂടെ പറഞ്ഞു പോകുന്ന ഈ ഷോര്ട്ട് ഫിലിം ഭയത്തിന്റെ വേറിട്ടൊരു പ്രതീതിയാണ് പ്രേക്ഷകര്ക്ക് നല്കുന്നത്. ഭൂരിഭാഗവും ഒരു മുറിയില് തന്നെ ചിത്രീകരണം പൂര്ത്തിയാക്കിയ ഈ ചിത്രത്തിന്റെ ക്യാമറ കൈകാര്യം ചെയ്തിരിക്കുന്നത് നവീന് ബി .ജിയാണ്.
സാങ്കേതിക മികവു കൊണ്ട് ഏറെ മുന്നിട്ടു നില്ക്കുന്ന ഫീസ്റ്റിന്റെ എഡിറ്റിംഗ് അനൂപ് മോഹനും സംഗീതം ജയസൂര്യയുമാണ് നിര്വഹിച്ചിരിക്കുന്നത്. ഫിക്ഷന് പ്ലസ് ഹൊറര് ത്രില്ലര് എന്ന പ്രത്യേകതയാണ് ഫീസ്റ്റിനെ കൂടുതല് ശ്രദ്ധേയമാകുന്നത്. പ്രേക്ഷകരിലേക്ക് ഭയം ജനിപ്പിക്കുന്ന പശ്ചാത്തല സംഗീതത്തിനോട് ചേര്ന്നു നില്ക്കുന്ന ദൃശ്യവിഷ്കാരം കൂടി ആയപ്പോള് വ്യത്യസ്തമായ ഒരനുഭവമായി മാറി ഫീസ്റ്റ്. അഭിനയവും സംവിധാനവും സാങ്കേതികത്വവും ഒരുപോലെ മുന്നിട്ടു നില്ക്കുന്ന ഈ ഷോര്ട്ട് ഫിലിം ഇതിനോടകം തന്നെ വൈറലായി കഴിഞ്ഞു.
സാധാരണയില് നിന്നും വ്യത്യസ്തമായി പുതുമയുള്ള ഒരു ആശയം ആളുകളിലേക്ക് എത്തിക്കണം എന്നതിനാലാണ് ഫിക്ഷന് കേന്ദ്ര ആശയമാകുന്ന ഒരു ഷോര്ട്ട് ഫിലിം തയ്യാറാക്കിയതെന്ന് സംവിധാനയകന് അരുണ് മോഹന് പറഞ്ഞു. ആളുകള്ക്ക് വേറിട്ട ഒരു ദൃശ്യാനുഭവം തന്നെയാണ് സിസ്റ്റം നല്കുന്നത്. നിരവധി പേര് ഇതിനോടകം തന്നെ ഫീസ്റ്റ് യൂട്യൂബില് കണ്ട് കഴിഞ്ഞു. ഇതു കൂടാതെ അടുത്ത ദിവസങ്ങളില് ആമസോണ് പ്രൈമിലും ഫീസ്റ്റ് പ്രേക്ഷകര്ക്ക് ലഭ്യമാകുമെന്ന് അണിയറ പ്രവര്ത്തകര് അറിയിച്ചു.
