ആരാധകർ ആകാംഷയോടെ കാത്തിരുന്ന ചിത്രം ദൃശ്യം 2 വിജയകരമായി സ്‌ക്രീനിംഗ് തുടരുകയാണ്. ചിത്രത്തിന് മികച്ച പ്രതികരണമാണ് സോഷ്യൽ മീഡിയയിൽ അടക്കം ലഭിക്കുന്നത്. ഇപ്പോഴിതാ കുടുംബത്തോടൊപ്പം ദൃശ്യം കാണുന്ന വീഡിയോ പങ്കുവച്ചെത്തിയരിക്കുകയാണ് മോഹൻലാൽ.
വീട്ടിലെ തീയേറ്ററിൽ കുടുംബത്തോടൊപ്പം സിനിമ കാണുന്ന വീഡിയോയാണ് താരം പങ്കുവച്ചത്. മുൻപിൽ തന്നെയിരിക്കുന്ന പ്രണവിനേയും വിസ്മയയേയും വീഡിയോയിൽ കാണാം. എല്ലാവരും കുടുംബത്തോടൊപ്പം ദൃശ്യം കാണണമെന്നും മോഹൻലാൽ ആവശ്യപ്പെടുന്നു. വീഡിയോ സമൂഹമാദ്ധ്യമങ്ങളിൽ വൈറലായിരിക്കുകയാണ്.
ചിത്രത്തെ അഭിനന്ദിച്ചുകൊണ്ടുള്ള കമന്റുകളാണ് വീഡിയോയ്‌ക്ക് താഴെ ലഭിക്കുന്നത്. നല്ല ചിത്രങ്ങൾ എന്നും പ്രേക്ഷകർ സ്വീകരിക്കും എന്നതിന്റെ തെളിവാണ് ദൃശ്യത്തിന് ലഭിക്കുന്ന പ്രതികരണങ്ങളെന്ന് മോഹൻലാൽ പറഞ്ഞിരുന്നു. ആശംസകൾ അറിയിച്ചവർക്കും ആമസോണിനും ദൃശ്യത്തിന്റെ അണിയറ പ്രവർത്തകർക്കും നന്ദി അറിയിച്ചും താരം എത്തിയിരുന്നു.
https://www.facebook.com/ActorMohanlal/videos/420838105880064/
