നോർവേ: ആയിരത്തിലധികം തിമിംഗലങ്ങളെ വേട്ടയാടി കൊല്ലാനൊരുങ്ങി നോർവേ സർക്കാർ. വാണിജ്യാവശ്യങ്ങൾക്കായി തിമിംഗലത്തെ കൂട്ടത്തോടെ വേട്ടയാടി കൊലപ്പെടുത്താനാണ് തീരുമാനം. മിങ്ക് തിമിംഗലത്തെ കൂട്ടമായി കൊലപ്പെടുത്തുന്നതിനെതിരെ ആഗോള തലത്തിലുണ്ടായ എതിർപ്പുകളെ അവഗണിച്ചാണ് നോർവേ സർക്കാരിന്റെ തീരുമാനം. ഈ വർഷം വേട്ടയാടി കൊല്ലാനുള്ള തിമിംഗലങ്ങളുടെ എണ്ണം 1278 ആയി നിജപ്പെടുത്തിയിട്ടുണ്ടെന്നാണ് സർക്കാർ അറിയിക്കുന്നത്.
മിങ്ക് തിമിംഗലങ്ങളുടെ മാംസത്തിന് ആവശ്യക്കാർ ഏറി വരുന്ന സാഹചര്യത്തിലാണ് തീരുമാനമെന്നാണ് നോർവേ ഫിഷറീസ് വകുപ്പ് മന്ത്രിയായ ഓഡ് എമിൽ വ്യക്തമാക്കുന്നത്. കഴിഞ്ഞ വർഷം ഏപ്രിൽ മുതൽ സെപ്തംബർ അവസാനം വരെയുള്ള കാലയളവിൽ 500 ലേറെ തിമിംഗലങ്ങളെ കൊന്നൊടുക്കിയിരുന്നു. 2019 ൽ 400 ൽ അധികം തിമിംഗലങ്ങളെയാണ് കൊന്നൊടുക്കിയത്.
കഴിഞ്ഞ വർഷം തിമിംഗല വേട്ടയ്ക്കുള്ള നിയന്ത്രണങ്ങളിൽ നോർവേ സർക്കാർ ഇളവ് പ്രഖ്യാപിച്ചിരുന്നു. കൂടചുതൽ ബോട്ടുകൾ വേട്ടയാടലിനായി മുന്നോട്ടു വരണമെന്ന് ലക്ഷ്യം വെച്ചാണ് നിയന്ത്രണങ്ങളിൽ ഇളവ് വരുത്തിയിരിക്കുന്നത്. മൃഗസംരക്ഷണ സംഘടകളുടെ എതിർപ്പുകളെയെല്ലാം അവഗണിച്ചാണ് സർക്കാർ മുന്നോട്ട് പോകുന്നത്.
Comments