കന്നുകാലി ചന്തകളില് നിന്നു നേരിട്ടോ അല്ലെങ്കില് ഇടനിലക്കാര് വഴിയോ ആണ് സാധാരണ കന്നുകാലികളെ നമ്മള് വാങ്ങാറും വില്ക്കാറും ഉള്ളത്. എന്നാല് ഇത്തരം ഇടനിലക്കാരില് നിന്ന് പലതരത്തിലുള്ള ചൂഷണത്തിന് നാം ഇരയാകുന്നു. അധിക വില കൊടുത്തു കന്നുകാലികളെ വാങ്ങേണ്ട അവസ്ഥയാണ് ഇപ്പോഴുള്ളത്. എന്നാല് നമുക്ക് ആവശ്യമായ പാല് ലഭിക്കുകയും ഇല്ല.
അതുകൊണ്ട് തന്നെ നമുക്ക് നേരിട്ട് ക്ഷീര കര്ഷകരുമായി സംസാരിക്കാനോ വില, പ്രായം തുടങ്ങിയ കാര്യങ്ങളെ കുറിച്ച് നേരിട്ട് സംസാരിക്കാനോ സാധിക്കുകയില്ല. അവരുടെ ലാഭവിഹിതം കൂടി ഉള്പ്പെടുത്തിയാണ് ഇടനിലക്കാര് വില നിശ്ചയിക്കുന്നത്. എന്നാല് ഇനി അതിന്റെ ആവശ്യമില്ല. കന്നുകാലികളെ വാങ്ങാനും വില്ക്കാനുമുള്ള മൊബൈല് ആപ്ലിക്കേഷനുമായി മില്മ. കര്ഷകര്ക്ക് ക്ഷീരസംഘം സെക്രട്ടറിയുടെ സഹായത്തോടെ ആപ് വഴി കന്നുകാലികളെ ക്രയവിക്രയം ചെയ്യാം. ‘കൗ ബസാര്’ എന്ന് പേരിട്ടിരിക്കുന്ന ആപ്ലിക്കേഷനിലൂടെ ഇടനിലക്കാരുടെ ചൂഷണമില്ലാതെ ക്ഷീര കര്ഷകര്ക്ക് കന്നുകാലികളെ വാങ്ങാനും വില്ക്കാനും സാധിക്കും.
കന്നുകാലികളെ വില്ക്കുന്നതിനായി അവയുടെ ചിത്രം, പ്രതീക്ഷിക്കുന്ന വില, പ്രായം, മറ്റു വിവരങ്ങള് ആപ്പില് നല്കണം. അതിനൊപ്പം ബന്ധപ്പെടുന്നതിനായി കര്ഷകന്റെ ഫോണ് നമ്പറും ഉള്പ്പെടുത്തണം. തിരുവനന്തപുരം മേഖല ക്ഷീരോല്പാദക സഹകരണ യൂണിയനാണ് ആപ്ലിക്കേഷന് തയാറാക്കിയിട്ടുള്ളത്. തുടക്കത്തില് തിരുവനന്തപുരം, കൊല്ലം,ആലപ്പുഴ , പത്തനംതിട്ട ജില്ലകളിലാണ് പദ്ധതി നടപ്പിലാക്കാന് ഉദ്ദേശിക്കുന്നത്. ആപ്ലിക്കേഷന് ഗൂഗിള് പ്ലേ സ്റ്റോറില് നിന്നും ഡൗണ്ലോഡ് ചെയ്യാം.
