ചെന്നൈ: തേഞ്ഞുതീരാറായ ചെരുപ്പിന്റെ ചിത്രം പങ്കുവെച്ച് തെരഞ്ഞെടുപ്പ് പ്രചാരണം അവസാനിപ്പിച്ച് സ്ഥാനാർത്ഥി. തമിഴ്മനാട്ടിലെ കോൺഗ്രസ് സ്ഥാനാർത്ഥി മോഹൻ കുമാരമംഗലമാണ് വ്യത്യസ്ഥമായ പോസ്റ്റ് പങ്കുവെച്ച് പ്രചാരണം അവസാനിപ്പിച്ചത്. തമിഴ്‌നാട്ടിലെ ഒമല്ലൂർ മണ്ഡലത്തിലെ കോൺഗ്രസ് സ്ഥാനാർത്ഥിയാണ് ഇദ്ദേഹം.
തമിഴ്‌നാട്ടിൽ തെരഞ്ഞെടുപ്പ് റാലി, റോഡ്‌ഷോ, കുടുംബയോഗങ്ങൾ തുടങ്ങിയവയിലെ ചിത്രങ്ങൾ പങ്കുവെച്ചാണ് സ്ഥാനാർത്ഥികൾ പൊതുവെ പ്രാചാരണം അവസാനിപ്പിക്കുന്നത്. എന്നാൽ ഇതിന് പകരമാണ് തന്റെ തേഞ്ഞ് തീരാറായ ചെരുപ്പിന്റെ ചിത്രം മോഹൻ പങ്കുവച്ചത്.
ചിത്രത്തിൽ കറുത്ത ചെരുപ്പിന്റെ പ്രതലത്തിലെ ചില ഭാഗങ്ങൾ പൊളിഞ്ഞു പോയതായി കാണാം. മോഹന്റെ പോസ്റ്റ് സമ്മിശ്ര പ്രതികരണം നേടി ട്വിറ്ററിൽ ചർച്ചയാവുകയാണ്. എഐഎഡിഎംകെ സ്ഥാനാർത്ഥിയായ ആർ മണിയ്‌ക്കെതിരെയാണ് മോഹൻ ജനവിധി തേടുന്നത്.
The end of a campaign. I can honestly say I left it all on the field and saved nothing for the ride home. In god we trust and god comes in all shapes and sizes pic.twitter.com/YvzCvrjfZs
— Mohan மோகன் Kumaramangalam (@MKumaramangalam) April 4, 2021
