ഹിന്ദു പെൺകുട്ടിയെ പ്രണയം നടിച്ച് മതം മാറ്റി നിക്കാഹ് കഴിച്ചു; 18കാരൻ അറസ്റ്റിൽ

ലക്‌നൗ : ഹിന്ദു പെൺകുട്ടിയെ പ്രണയം നടിച്ച് മതംമാറ്റിയ ശേഷം വിവാഹം കഴിച്ച യുവാവ് അറസ്റ്റിൽ. നോയിഡ സ്വദേശിയായ 18കാരനെയാണ് അറസ്റ്റ് ചെയ്തത്. ഇന്നലെയായിരുന്നു ഇരുവരും തമ്മിലുളള വിവാഹം.

18കാരൻ ജോലി ചെയ്തിരുന്ന സ്ഥലത്താണ് മതപരിവർത്തനത്തിന് ഇരയായ ഹിന്ദു പെൺകുട്ടി താമസിച്ചിരുന്നത്. ദീർഘനാളായി ഇരുവരും തമ്മിൽ പ്രണയത്തിലായിരുന്നുവെന്ന് വീട്ടുകാർ പറയുന്നു. പലതവണ പെൺകുട്ടിയെ വീട്ടുകാർ വിലക്കി. പല തവണ പെൺകുട്ടി അവഗണിച്ചെങ്കിലും യുവാവ് വീണ്ടും ശല്യം ചെയ്യുകയായിരുന്നു.

ഇതിനിടെ രണ്ട് മാസം മുൻപ് പെൺകുട്ടിയുമായി യുവാവ് കടന്നു കളഞ്ഞു . സംഭവത്തിൽ രക്ഷിതാക്കൾ നൽകിയ പരാതിയിൽ പോലീസ് അന്വേഷണം നടത്തുന്നതിനിടെയായിരുന്നു ഇവരുടെ വിവാഹം. വിവാഹ ശേഷം യുവാവും പെൺകുട്ടിയും സ്ഥലത്ത് എത്തിയതോടെയാണ് സംഭവം വീട്ടുകാർ അറിഞ്ഞത്. ഉടനെ പോലീസിൽ പരാതി നൽകുകയായിരുന്നു.

പഠിക്കാൻ മിടുക്കിയായ പെൺകുട്ടിയെ യുവാവ് പ്രലോഭിപ്പിച്ച് ചതിയിൽ വീഴ്‌ത്തുകയായിരുന്നുവെന്ന് വീട്ടുകാർ പറഞ്ഞു. യുവാവിന്റെ ശല്യം ഒഴിവാക്കാൻ പെൺകുട്ടിയെ വിവാഹം കഴിപ്പിക്കാനിരിക്കെയായിരുന്നു ഇരുവരുടെയും ഒളിച്ചോട്ടം.