മലപ്പുറത്ത് വൻ കഞ്ചാവ് വേട്ട; രഹസ്യമായി സൂക്ഷിച്ച എട്ടര കിലോ കഞ്ചാവ് പിടികൂടി

മലപ്പുറം ; തിരൂരിൽ വൻ കഞ്ചാവ് വേട്ട. രഹസ്യമായി സൂക്ഷിച്ച കഞ്ചാവ് പിടികൂടി. ഒഴൂർ പെരിഞ്ചേരിയിലായിരുന്നു സംഭവം.

രഹസ്യവിവരത്തിന്റെ അടിസ്ഥാനത്തിൽ തിരൂർ എക്‌സൈസ് സർക്കിൾ ഇൻസ്‌പെക്ടർ ബി സുമേഷിന്റെ നേതൃത്വത്തിലുള്ള സംഘമാണ് പരിശോധന നടത്തിയത്. എട്ടര കിലോ കഞ്ചാവ് പിടിച്ചെടുത്തു. വിപണയിൽ ഇതിന് ഏകദേശം രണ്ട് ലക്ഷത്തോളം രൂപ വിലവരുമെന്ന് എക്‌സൈസ് വ്യക്തമാക്കി.

ചില്ലറ വില്പനക്കാർക്ക് എത്തിച്ചു കൊടുക്കുന്നതിനു വേണ്ടി സൂക്ഷിച്ച കഞ്ചാവാണന്നാണ് എക്‌സൈസിന്റെ പ്രാഥമിക നിഗമനം. സംഭവത്തിൽ അന്വേഷണം ആരംഭിച്ചു.