സ്വാതന്ത്ര്യ ദിനത്തിൽ അഫ്ഗാൻ ജനതയ്‌ക്ക് ആശംസകൾ നേർന്ന് റാഷിദ് ഖാൻ

ന്യൂഡൽഹി: താലിബാൻ ഭരണം കൈയടക്കിയ അഫ്ഗാനിസ്ഥാനിലെ ജനങ്ങൾക്ക് സ്വാതന്ത്ര്യ ദിനാശംസകൾ നേർന്ന് പ്രമുഖ ക്രിക്കറ്റർ റാഷിദ് ഖാൻ. ട്വിറ്ററിലൂടെയാണ് സ്വാതന്ത്ര്യ ദിനാശംസകൾ നേർന്നത്. ഇന്ന് നമ്മുടെ രാഷ്‌ട്രത്തെ വില മതിക്കാൻ കുറച്ച് സമയമെടുക്കാം, ത്യാഗങ്ങൾ ഒരിക്കലും മറക്കരുത്. നമ്മുക്ക് വികസിതവും സമാധാനവുമുളള രാജ്യത്തിന് വേണ്ടി പ്രാർഥിക്കാം. സ്വാതന്ത്ര്യ ദിനാശംസകൾ ട്വീറ്റിലെ കുറിപ്പിൽ ഇങ്ങനെ പറയുന്നു.

ജലാലാബാദിൽ പ്രതിഷേധിച്ച മൂന്ന് അഫ്ഗാൻ പൗരന്മാരെ താലിബാൻ വെടിവച്ചു കൊലപ്പെടുത്തിയതിനു പിന്നാലെയാണ് റാഷിദ് ഖാന്റെ ട്വീറ്റ്. നേരത്തെ അഫ്ഗാൻ വിഷയത്തിൽ ഇടപെടണമെന്ന് ആവശ്യപ്പെട്ട് ക്രിക്കറ്റ് താരം രംഗത്ത് എത്തിയിരുന്നു. ഐപിഎല്ലിൽ സൺറൈസേഴ്‌സ് ഹെദരാബാദിന്റെ താരമാണ് റാഷി്ദ് ഖാൻ.