ന്യൂഡൽഹി: ഇന്ത്യൻ മുൻ ക്രിക്കറ്റ് ക്യാപ്റ്റനും ബിസിസിഐ പ്രസിഡന്റുമായ സൗരവ് ഗാംഗുലിയുടെ ജീവചരിത്രം വെള്ളിത്തിരയിലേക്ക് ഉടനെത്തുന്നു. ദാദയുടെ ജീവിതം സിനിമയാകുമെന്ന വാർത്തകൾ നേരത്തെ പുറത്തുവന്നിരുന്നെങ്കിലും ഇപ്പോൾ കൂടുതൽ വിശദാംശങ്ങളുമായി എത്തിയിരിക്കുകയാണ് താരം.
തന്റെ ജീവിതം എത്രയും വേഗം തന്നെ വെള്ളിത്തിരയിലെത്തുമെന്ന് ഗാംഗുലി സ്ഥിരീകരിച്ചു. ലവ് രഞ്ജൻ സംവിധാനം ചെയ്യുന്ന ചിത്രം ലവ് ഫിലിംസ് നിർമിക്കുമെന്നും അദ്ദേഹം അറിയിച്ചു. ‘ക്രിക്കറ്റായിരുന്നു എന്റെ ജീവനും ജീവിതവും.. തലയുയർത്തി പിടിച്ച് നടക്കാനുള്ള കഴിവും ആത്മവിശ്വാസവും അതെനിക്ക് നൽകി.. പരിലാളിക്കപ്പെടേണ്ട മനോഹരമായ ഒരു ജീവിതയാത്ര.. ലവ് ഫിലിംസിലൂടെ ബിഗ്‌സ്‌ക്രീനിൽ അത് കാണാം..’ സൗരവ് ഗാംഗുലി ട്വിറ്ററിൽ കുറിച്ചു.
Cricket has been my life, it gave confidence and ability to walk forward with my head held high, a journey to be cherished.
Thrilled that Luv Films will produce a biopic on my journey and bring it to life for the big screen 🏏🎥@LuvFilms @luv_ranjan @gargankur @DasSanjay1812— Sourav Ganguly (@SGanguly99) September 9, 2021
ഇന്ത്യൻ ക്രിക്കറ്റിലെ പകരം വെക്കാനില്ലാത്ത അമരക്കാനാണ് സൗരവ് ഗാംഗുലി. വിരമിച്ച് 13 വർഷങ്ങൾക്ക് ശേഷവും ഇന്ത്യൻ ക്രിക്കറ്റിൽ താരം സജീവമാണ്.
അതേസമയം ചിത്രത്തിൽ ആരാകും ഗാംഗുലിയായി എത്തുകയെന്നതിൽ ഔദ്യോഗികമായ അറിയിപ്പ് ഉണ്ടായിട്ടില്ല. രൺബീർ കപൂർ, ഋത്വിക് റോഷൻ എന്നിവരുടെ പേരുകൾ ഉയർന്നു കേൾക്കുന്നുണ്ട്.
