മുംബൈ: ഐ.പി.എല്ലിന് ഇനി രണ്ടാഴ്ച മാത്രം ബാക്കി നിൽക്കേ ഗണേശോത്സവം ആഘോഷ മാക്കി ക്രിക്കറ്റ് താരങ്ങളും കുടുംബങ്ങളും. മുംബൈ ഇന്ത്യൻസ് താരങ്ങളും കുടുംബങ്ങളും ചേർന്നുള്ള ഭക്തിനിർഭരമായ ആരതി ചടങ്ങിന്റെ വീഡിയോയാണ് ആരാധകർക്കിടയിൽ വൈറലാകുന്നത്. ദുബായിലെ ഹോട്ടലിലാണ് ചടങ്ങുകൾ നടന്നത്.
A special gathering in our team room for Ganpati bappa! 🙏#OneFamily #MumbaiIndians #IPL2021 #KhelTakaTak @hardikpandya7 @MXTakaTak MI TV pic.twitter.com/xc7IK9yL0p
— Mumbai Indians (@mipaltan) September 11, 2021
ഹാർദ്ദിക് പാണ്ഡ്യ നൽകുന്ന ആശംസാ സന്ദേശത്തോടെയാണ് വീഡിയോ ആരംഭിക്കുന്നത്. അലങ്കരിച്ച പന്തലിലാണ് എല്ലാവരും ചേർന്ന് ഗണേശ ശ്ലോകങ്ങൾ ചൊല്ലി ചടങ്ങിനെ ഭക്തി നിർഭരമാക്കിയത്.
ദമ്പതികളായ താരങ്ങൾ ഒരുമിച്ച് ഗണേശപൂജ ചെയ്തും പരസ്പരം പ്രസാദവിതരണം നടത്തി യാണ് ഗണേശോത്സവം ആഘോഷിച്ചത്. കുട്ടികളുടെ കളിചിരികളും ആഘോഷങ്ങളും ചേർന്നുള്ള വീഡിയോ ഐ.പി.എല്ലിന് മുമ്പ് മുംബൈ ആരാധകർക്കുള്ള വേറിട്ട സമ്മാനമായി.
