രംഗപ്രവേശനം ഗംഭീരമാക്കി ജാഗ്വാർ എക്‌സ്എഫ്; കരുത്ത് കാട്ടിയത് ജെയിംസ് ബോണ്ട് ചിത്രം നോ ടൈം ടു ഡൈയിൽ ചീറിപ്പാഞ്ഞ്

ലണ്ടൻ: പകരം വെയ്‌ക്കാനാകാത്ത പ്രകടനങ്ങളിലൂടെയും ഉൻമേഷദായകമായ ഡ്രൈവിംഗ് രംഗങ്ങളിലൂടെയും രംഗപ്രവേശനം നടത്തിയിരിക്കുകയാണ് ജാഗ്വാർ എക്‌സ്എഫ്. ജെയിംസ് ബോണ്ട് ചിത്രം നോ ടൈം ടു ഡൈയിലാണ് എക്‌സ്എഫിന്റെ രോമാഞ്ചം കൊള്ളിക്കുന്ന പ്രകടനം കാണാൻ സാധിക്കുന്നത്.

തെക്കൻ ഇറ്റലിയിലെ മാറ്റേരയിൽ വെച്ച് ചിത്രീകരിച്ച നോ ടൈം ടു ഡൈയിലെ ചേസ് രംഗങ്ങളിൽ വീതി കുറഞ്ഞ പാതയിലൂടെ നിഷ്പ്രയാസം ഓടിച്ചും സംഘട്ടന രംഗങ്ങളിൽ ചീറിപ്പാഞ്ഞും രണ്ട് എക്‌സ്എഫ് സലൂണുകളാണ് കരുത്ത് കാട്ടുന്നത്. ഇതിലൂടെ ഏത് പാതയിലൂടെ സഞ്ചരിക്കാനും ചേസ് മത്സരങ്ങളിൽ എക്‌സ്എഫിന് പകരക്കാരനാവാൻ മറ്റൊരു വാഹനം ഇല്ലെന്നും തെളിയിച്ചിരിക്കുകയാണ് നിർമ്മാതാക്കൾ.

ചിത്രത്തിന്റെ ചേസ് രംഗങ്ങൾക്ക് പൂർണത നൽകാൻ സാധിക്കുന്ന മറ്റൊരു വാഹനം ഇല്ല. സിനിമ നിർമ്മാതാവിന്റെ മികച്ച തീരുമാനമാണ് എക്‌സ്എഫ് എന്നും നോ ടൈം ടു ഡൈ ചിത്രത്തിന്റെ പ്രത്യേക ഇഫക്ടുകളും ആക്ഷൻ വെഹിക്കിൾ സൂപ്പർവൈസറുമായ ക്രിസ് കോർബോൾഡ് അഭിപ്രായപ്പെട്ടു. നടൻ ഡാനിയൽ ക്രെയ്ഗ് റെഡിന്റെ അഞ്ചാമത്തെയും അവസാനത്തെയും ബോണ്ട് ചിത്രമാണ് നോ ടൈം ടു ഡൈ.

പകരം വയ്‌ക്കാനില്ലാത്ത പ്രകടനമാണ് ജാഗ്വാർ എക്‌സ്എഫ് സിനിമയിൽ കാഴ്ചവെച്ചത്. ഇതിലൂടെ വാഹനത്തിന്റെ ചക്രങ്ങളുടെ കരുത്തും ഏത് സാഹചര്യത്തിലും നിഷ്പ്രയാസം സഞ്ചരിക്കുന്ന എക്‌സ്എഫിന്റെ കഴിവും എടുത്തു കാണിക്കുന്നു.

ആഡംബരവും, ഡ്രൈവറുടെയും യാത്രക്കാരുടെയും സുഖവും, പരിഷ്‌കരണങ്ങളും ഒത്തു ചേർന്ന നിർമ്മാണമാണ് ജാഗ്വാർ എക്‌സ്എഫിന് എന്ന് ബ്രാൻഡ് ഡയറക്ടർ അന്ന ഗല്ലാഗർ പറഞ്ഞു. ഇറ്റലിയിലൂടെ ചീറിപ്പായാനും തിരക്കുള്ള ലണ്ടൻ നിരത്തുകളിൽ ക്ഷമയോടെ സഞ്ചരിക്കാനും സഹായിക്കുന്ന വാഹനമാണ് ജാഗ്വാർ എക്‌സ്എഫ് എന്നും ഗല്ലാഗർ കൂട്ടിച്ചേർത്തു.

രണ്ട് തരം എഞ്ചിനാണ് വാഹനത്തിനുള്ളത്. അതിൽ ഒന്നാണ് ഡി200 ആർഡബ്ല്യൂഡി ഓട്ടോമാറ്റിക് എഞ്ചിന്. ഈ എഞ്ചിൻ വാഹനത്തിന് 100 കിലോമീറ്റർ വേഗത കൈവരിക്കാൻ 7.6 സെക്കന്റുകളാണ് ആവശ്യം. രണ്ടാമത്തെ പി250 ആർഡബ്ല്യൂഡി ഓട്ടോമാറ്റിക് എഞ്ചിൻ വാഹനത്തിന് 100 കിലോമീറ്റർ വേഗത കൈവരിക്കാൻ 6.9 സെക്കന്റുകൾ മാത്രമാണ് ആവശ്യം.