തിരുവനന്തപുരം: അന്തരിച്ച നടൻ നെടുമുടി വേണുവിന്റെ സംസ്‌കാരം നാളെ ഉച്ചയ്ക്ക് 2 മണിക്ക് തിരുവനന്തപുരം ശാന്തികവാടത്തിൽ നടക്കും. രാവിലെ 10.30 മുതൽ 12.30 വരെ പൊതുജനങ്ങൾക്ക് അന്ത്യാഞ്ജലി അർപ്പിക്കാനായി അയ്യൻകാളി ഹാളിൽ മൃതദേഹം പൊതുദർശനത്തിന് വെയ്‌ക്കും.
ഔദ്യോഗിക ബഹുമതികളോടെയാണ് സംസ്‌കാരമെന്ന് സാംസ്‌കാരിക മന്ത്രി സജി ചെറിയാൻ നേരത്തെ വ്യക്തമാക്കിയിരുന്നു. സംസ്‌കാരചടങ്ങുകളിൽ കൊറോണ മാനദണ്ഡങ്ങൾ പാലിക്കണമെന്നും പ്രിൻസിപ്പൽ സെക്രട്ടറിയുടെ നിർദ്ദേശത്തിൽ വ്യക്തമാക്കുന്നു.
നേരത്തെ ആശുപത്രിയിൽ നിന്നും നെടുമുടി വേണുവിന്റെ മൃതദേഹം വട്ടിയൂർകാവിലെ വീട്ടിലെത്തിച്ചിരുന്നു. മന്ത്രിമാരായ വി ശിവൻകുട്ടി, സജി ചെറിയാൻ, ജി. ആർ അനിൽ, ആൻറണി രാജു എന്നിവർ വീട്ടിലെത്തി അന്തിമോപചാരമർപ്പിച്ചു. നാടക, സിനിമാ ലോകത്തെ സഹപ്രവർത്തകരും പ്രിയ നടനെ കാണാൻ എത്തുന്നുണ്ട്.
Comments