ന്യൂഡൽഹി : ഒരാഴ്ചയ്ക്കിടെ പ്രമുഖ ഓൺലൈൻ പ്ലാറ്റ്‌ഫോമുകളിൽ ഇന്ത്യക്കാർ ചിലവഴിച്ചത് കോടികളെന്ന് റിപ്പോർട്ട്.രാജ്യത്തെ ഉത്സവ കാലം മുന്നിൽക്കണ്ട് പ്രമുഖ ഓൺലൈൻ വിൽപ്പന പ്ലാറ്റ്‌ഫോമുകൾ നടത്തിയ ഓഫർ വിൽപ്പനകളിലാണ് ഇന്ത്യക്കാർ കോടികൾ ചിലവഴിച്ചത്. 32,000 കോടി രൂപയുടെ സാധനങ്ങളാണ് ഇന്ത്യക്കാർ വാങ്ങിയതെന്നാണ് റിപ്പോർട്ട്. ഈ ഉത്സവകാല വിൽപ്പന ഇന്ത്യയിലെ ഓൺലൈൻ വിൽപ്പനകളിൽ ഈ വർഷം 23 ശതമാനം വർദ്ധനവാണ് വരുത്തിയിരിക്കുന്നത്.
ഇലക്ട്രോണിക് ഉപകരണങ്ങളിൽ ലാപ്‌ടോപ്പുകൾ അടക്കം ‘വർക്ക് ഫ്രം ഹോം’ ഉത്പന്നങ്ങൾക്കാണ് ആവശ്യക്കാർ ഏറെയുള്ളതെന്നും ഫാഷൻ, മൊബൈൽ ഉൽപ്പന്നങ്ങൾ എന്നിവയ്‌ക്കും വലിയ തോതിൽ ആവശ്യക്കാരുണ്ടെന്നും റിപ്പോർട്ടിൽ വ്യക്തമാക്കുന്നു. ഒക്ടോബർ 2 മുതൽ 10 വരെയുള്ള കണക്കുകളിലാണ് ഇത് സൂചിപ്പിക്കുന്നത്.
അതേ സമയം ഉത്സവ വിൽപ്പനക്കാലത്ത് ഓൺലൈൻ വിപണിയിൽ ഫ്‌ളിപ്പ്കാർട്ടാണ് ആധിപത്യം നേടിയത് എന്നാണ് കണക്കുകൾ ചൂണ്ടിക്കാട്ടുന്നത്.64 ശതമാനം വിപണി വിഹിതം ഫ്‌ളിപ്പ്കാർട്ട് നേടി. അതേ സമയം ആമസോണിന് 28 ശതമാനം മാത്രമാണ് വിപണി വിഹിതം.
Comments