ട്രെയിനിന് അടിയിലേക്ക് വീഴാനൊരുങ്ങി ഗർഭിണിയായ യുവതി; ഓടിയെത്തി രക്ഷിച്ച് ആർപിഎഫ് ഉദ്യോഗസ്ഥൻ; വീഡിയോ

മുംബൈ: പ്ലാറ്റ്‌ഫോമിലേക്ക് ഇറങ്ങാൻ ശ്രമിക്കവെ ട്രെയിനിന് അടിയിലേക്ക് തെന്നി വീഴാൻ പോയ ഗർഭിണിയായ യുവതിയെ രക്ഷിച്ച് ആർപിഎഫ് ഉദ്യോഗസ്ഥൻ. മഹാരാഷ്‌ട്രയിലെ കല്ല്യാൺ റെയിൽവേ സ്റ്റേഷനിലാണ് സംഭവം. ട്രെയിനിനും പ്ലാറ്റ്‌ഫോമിനും ഇടയിലുള്ള ഇടുങ്ങിയ ഇടത്തിലൂടെ താഴേക്ക് തെന്നിപ്പോകാൻ തുടങ്ങിയ യുവതിയെ ആണ് ആർപിഎഫ് കോൺസ്റ്റബിളായ എസ്.ആർ.ഖണ്ഡേകർ രക്ഷിച്ചത്. സംഭവത്തിന്റെ സിസിടിവി ദൃശ്യങ്ങളും പുറത്ത് വന്നിട്ടുണ്ട്. ഇത് സമൂഹമാദ്ധ്യമങ്ങളിൽ വൈറലാണ്.

പതിയെ നീങ്ങി തുടങ്ങിയ തീവണ്ടിയിൽ നിന്നാണ് യുവതി ഇറങ്ങാൻ ശ്രമിക്കുന്നത്. എന്നാൽ ഇറങ്ങുന്നതിനിടെ കാൽ തെന്നി താഴേക്ക് വീഴാൻ തുടങ്ങിയപ്പോൾ ഉദ്യോഗസ്ഥൻ ഓടിയെത്തി ഇവരെ പിടിച്ചു കയറ്റുകയായിരുന്നു. ഇരുവരും പ്ലാറ്റ്‌ഫോമിലേക്ക് മറിഞ്ഞ് വീഴുന്നതും ആളുകൾ ഓടിക്കൂടുന്നതും വീഡിയോയിൽ വ്യക്തമാണ്. ഇതിന് മുൻപും രാജ്യത്തെ പല റെയിൽവേ സ്റ്റേഷനുകളിലും സമാനമായ സംഭവങ്ങൾ ഉണ്ടായിട്ടുണ്ട്. നിരവധി പേരെ ആർപിഎഫ് ഉദ്യോഗസ്ഥർ ഇത്തരത്തിൽ രക്ഷിച്ചിട്ടുമുണ്ട്.

#WATCH | Railway Protection Force (RPF) constable SR Khandekar saved a pregnant woman passenger from falling into the gap between platform and train while she was deboarding the running train at Kalyan station yesterday. pic.twitter.com/ZeO0mvmHzK

— ANI (@ANI) October 18, 2021