ദുബായ്: ടി20 ലോകകപ്പ് സൂപ്പർ 12 ടീമുകളുടെ മത്സരങ്ങൾ ഇന്നാരംഭിക്കും. ഓസ്ട്രേലിയ ദക്ഷിണാഫ്രിക്കയേും ഇംഗ്ലണ്ട് വെസ്റ്റിൻഡീസിനേയുമാണ് ഇന്ന് നേരിടുന്നത്. ആദ്യം നടക്കുന്ന ഇംഗ്ലണ്ട് -വെസ്റ്റിൻഡീസ് മത്സരം ദുബായിലും ഓസ്ട്രേലിയ-ദക്ഷിണാഫ്രിക്ക മത്സരം അബുദാബിയിൽ ഉച്ചയ്ക്കുമാണ് നടക്കുന്നത്.
2016ൽ കൊൽക്കത്തയിൽ നടന്ന ടി-20യിൽ തങ്ങളെ തകർത്ത് കപ്പ് നേടിയ കരീബിയൻ നിരയുടെ ഓർമ്മകളാണ് ഇംഗ്ലണ്ടിനെ ഇന്നും വേട്ടയാടുന്നത്. രണ്ടു തവണ ലോക ടി20 ചാമ്പ്യന്മാരായി കരീബിയൻ നിര 2012ലും 2016ലും ലോകക്രിക്കറ്റിൽ വമ്പൻ തിരിച്ചുവരവാണ് നടത്തിയത്. വെസ്റ്റിൻഡീസ് താരങ്ങൾ ഐ.പി.എല്ലിൽ വിവിധ ടീമുകളുടെ അവിഭാജ്യഘടക ങ്ങളാണെന്നതും കരീബിയൻ നിരയുടെ കരുത്ത് കൂട്ടുന്നു.
ഒരു കാലത്ത് ലോകകിരീടങ്ങൾ സ്ഥിരം സ്വന്തമാക്കിയിരുന്ന പ്രതാപകാലം വീണ്ടെടുക്കാനാണ് ഓസ്ട്രേലിയ ശ്രമിക്കുന്നത്. അതേ സമയം ലോകക്രിക്കറ്റിൽ നിറംമങ്ങിയ ടീമെന്ന ചീത്തപ്പേര് കഴുകിക്കളയാനാണ് ദക്ഷിണാഫ്രിക്ക ഇറങ്ങുക.
Comments