ന്യൂഡൽഹി: ഇന്ത്യക്കാരായ ജീവനക്കാരുടെ എണ്ണം ഇരട്ടിയാക്കാനൊരുങ്ങി ആഗോള സെർച്ചിംഗ് ഭീമനായ ഗൂഗിൾ. എൻജീനിയറിംഗ് പ്രതിഭകളുടെ തലസ്ഥാനമാണ് ഇന്ത്യ. ആഗോളതലത്തിൽ ഗൂഗിളിൽ നിരവധി ഇന്ത്യക്കാരുണ്ട്. എന്നാൽ ഇതു വരെ പ്രതിഭകൾക്കായി അമേരിക്ക വരെ പോവുകയായിരുന്നു കമ്പനി ചെയ്തതെന്ന് ഗൂഗിൾ ഇന്ത്യയുടെ തലവനും വൈസ് പ്രസിഡന്റുമായ സഞ്ജയ് ഗുപ്ത ശിൽപ പറഞ്ഞു.
ഇന്ത്യക്കാരായ തൊഴിലാളികൾക്കായി ബഹുരാഷ്ട്ര കമ്പനികൾ കാത്തിരിക്കുകയാണ്. മികച്ച ഇന്ത്യൻ ജീവനക്കാരുടെ വലിയ ഗ്രൂപ്പ് തന്നെ ഗൂഗിളിനായി പ്രവർത്തിക്കുന്നുണ്ടെന്ന് അദ്ദേഹം വ്യക്തമാക്കി.
കഴിഞ്ഞ രണ്ടു വർഷമായി ഇന്ത്യക്കാരായ ജീവനക്കാരുടെ എണ്ണം വർദ്ധിപ്പിച്ചു.ഇന്നിപ്പോൾ നിരവധി മാറ്റങ്ങളോടെയുള്ള പുതിയ ഗൂഗിളാണ് മുന്നിലുള്ളത്.വീണ്ടും ഇന്ത്യക്കാരുടെ എണ്ണം വർദ്ധിപ്പിച്ച് ഇപ്പോഴുള്ളതിന്റെ ഇരട്ടിയാക്കാനാണ് കമ്പനി ലക്ഷ്യമിടുന്നതെന്ന് അദ്ദേഹം വ്യക്തമാക്കി.
നിലവിൽ 53,0000 ലധികം ഇന്ത്യക്കാർ ഗൂഗിളിൽ ജോലി ചെയ്യുന്നുണ്ട്. ആകെ ജീവനക്കാരുടെ 31 ശതമാനവും ഇന്ത്യക്കാരാണ്.
