ഡെറാഡൂൺ : ഭഗവാൻ ശ്രീരാമനാണ് തന്റെ ആരാധനമൂർത്തിയെന്ന് പ്രശസ്ത ബോളിവുഡ് താരം റാസ മുറാദ്. രാമ ഭഗവാന്റെ അനുഗ്രഹമാണ് ജീവിതത്തിലുടനീളം പ്രതിഫലിച്ചതെന്നും അദ്ദേഹം പറഞ്ഞു. രാംനഗറിലെ ഹനുമാൻ ധാം സന്ദർശിച്ച ശേഷം മാദ്ധ്യമങ്ങളോട് സംസാരിക്കുകയായിരുന്നു അദ്ദേഹം.
തന്റെ ജീവിതത്തിൽ വലിയ സ്വാധീനമാണ് രാമഭഗവാന് ഉള്ളത്. രാമനാൽ പേര് ലഭിച്ച രാംപൂരിലാണ് തന്റെ ജനനം. ചലച്ചിത്ര ജീവിതത്തിൽ വഴിത്തിരിവായ സിനിമയുടെ കഥ ബാബു രാം ഇഷാരയുടേത് ആയിരുന്നു. 14 വർഷത്തെ അഭിനയ ജീവിതത്തിന് ശേഷം ശ്രദ്ധിക്കപ്പെട്ടത് രാം തേരി ഗംഗാ മയ്‌ലി എന്ന ചിത്രത്തിലെ തന്റെ കഥാപാത്രമായിരുന്നു. രാം ലഖാൻ എന്ന സിനിമയിലെ സുഭയ് ഗായ് എന്ന കഥാപാത്രം മുൻ നിര താരങ്ങൾക്കൊപ്പം തനിക്ക് സ്ഥാനം നേടിത്തന്നു. സഞ്ജയ് ലീല ബൻസാലി ചിത്രം രാം ലീല തന്റെ പ്രശസ്തി ഉയരുന്നതിന് ഇടയാക്കിയെന്നും അദ്ദേഹം പറഞ്ഞു.
ഇതെല്ലാം സൂചിപ്പിക്കുന്നത് ഭഗവാൻ ശ്രീരാമന്റെ അനുഗ്രഹം തന്റെ കൂടെയുണ്ടെന്നാണ്. രാമന്റെ കാൽപ്പാദം പതിഞ്ഞ സ്ഥലങ്ങളിലെല്ലാം താൻ ദർശനം നടത്തി തന്റെ രാമഭക്തി പ്രകടിപ്പിക്കുമെന്നും റാസ മുറാദ് കൂട്ടിച്ചേർത്തു.
Comments