ശ്രീനഗർ : ആയിരം വർഷങ്ങൾ പഴക്കമുള്ള ദേവീ വിഗ്രഹം കണ്ടെടുത്ത് ജമ്മു കശ്മീർ പോലീസ്. ബുദ്ഗാം ജില്ലയിലെ ഖാഗ് മേഖലയിൽ നിന്നുമാണ് ദുർഗാ ദേവിയുടെ വിഗ്രഹം കണ്ടെടുത്തത്. വിഗ്രഹം പോലീസ് പുരാവസ്തു വകുപ്പിന് കൈമാറി.
1300 വർഷങ്ങൾ പഴക്കമുള്ള വിഗ്രഹമാണ് മേഖലയിൽ നിന്നും പോലീസിന് ലഭിച്ചത്. കരിങ്കല്ലിൽ തീർത്ത ദേവീ വിഗ്രഹത്തിന്റെ ഇടതു കൈ നഷ്ടമായിട്ടുണ്ട്. താമരപ്പൂവുമായി സിംഹത്തിന്റെ പുറത്തിരിക്കുന്ന ദേവീ വിഗ്രഹം ഗാന്ധാര കാലഘട്ടത്തിലെ ശിൽപ്പകലയുടെ സ്വാധീനം ഉപയോഗിച്ച് നിർമ്മിച്ചതാണെന്നാണ് കരുതുന്നത്.
ബുദ്ഗാം എസ്എസ്പി താഹിർ സലീമിന്റെ നേതൃത്വത്തിലുള്ള സംഘമാണ് വിഗ്രഹം കണ്ടെത്തിയത്. ജമ്മു കശ്മീർ പുരാവസ്തു വിഭാഗം ഡെപ്യൂട്ടി ഡയറക്ടർ മുഷ്താഖ് അഹമ്മദ് പോലീസിൽ നിന്നും വിഗ്രഹം ഏറ്റുവാങ്ങി.
Comments