കോട്ടയം:സാമ്പത്തിക തർക്കം സിപിഎം ഓഫീസിൽ പറഞ്ഞു തീർക്കാനെത്തിയ തൊഴിലാളി മരിച്ച സംഭവത്തിൽ അന്വേഷണം ആവശ്യപ്പെട്ട് ബന്ധുക്കൾ പോലീസിൽ പരാതി നൽകി
കൊല്ലാട് മൂലേടം കുന്നമ്പള്ളി,മരോട്ടിപറമ്പിൽ മോനിച്ചൻ(ഷിബി)ആണ് സിപിഎം കൊല്ലാട് ലോക്കൽ കമ്മിറ്റി ഓഫീസിൽ മരിച്ചത്.
ഫർണിച്ചർ നിർമാണ തൊഴിലാളിയാണ് മോനിച്ചൻ.കൊല്ലാട് സ്വദേശിയായ റിട്ട:വനം വകുപ്പ് ഉദ്യോഗസ്ഥൻ തങ്കപ്പനും,മോനിച്ചനും തമ്മിൽ സാമ്പത്തിക തർക്കം നില നിന്നിരുന്നു.
തങ്കപ്പൻ പാർട്ടി ഓഫീസിൽ പരാതി നൽകിയതിന്റെ അടിസ്ഥാനത്തിൽ തർക്കം പരിഹരിക്കാനെന്ന പേരിലാണ് മോനിച്ചനെ സിപിഎം നേതാക്കൾ പാർട്ടി ഓഫീസിൽ വിളിച്ചു വരുത്തിയത്.ഇവിടെ വച്ചാണ് മോനിച്ചൻ മരിക്കുന്നത്.ചർച്ചയ്ക്കിടെ മോനിച്ചൻ കുഴഞ്ഞു വീഴുകയായിരുന്നുവെന്നാണ് സിപിഎം നേതാക്കൾ പറയുന്നത്.
അതേസമയം പാർട്ടി ഓഫീസിൽ നടന്നത് എന്തെന്ന് അന്വേഷിക്കണമെന്നാവശ്യപ്പെട്ട് ബന്ധുക്കൾ പോലീസിൽ പരാതി നൽകി.പരാതിയുടെ അടിസ്ഥാനത്തിൽ കൊല്ലാട് എസ്എച്ഓ(സ്റ്റേഷൻ ഹൗസ് ഓഫീസർ) അനീഷിന്റെ നേതൃത്വത്തിൽ അന്വേഷണം ആരംഭിച്ചു.
സംസ്ഥാനത്ത് സിപിഎം പാർട്ടി ഓഫീസുകൾ സമാന്തര കോടതികൾ ആയി പ്രവർത്തിക്കുന്നുവെന്ന പരാതി വ്യാപകമാണ്
