ദുബായ്: ആരോഗ്യ മേഖലയിൽ യു.എ.ഇ യും ഇന്ത്യയും തമ്മിൽ സഹകരണം കൂടുതൽ ശക്തമാക്കുന്നതിനുള്ള നടപടികൾ സ്വീകരിച്ചതായി കേന്ദ്ര ആരോഗ്യമന്ത്രി മൻസുഖ് മാണ്ഡവ്യ. ദുബായിൽ ജനം ടി.വിയോട് സംസാരിക്കുകയായിരുന്നു ആരോഗ്യമന്ത്രി.
ആരോഗ്യ മേഖലയിൽ യുഎഇയുമായി മികച്ച സഹകരണം ഉറപ്പുവരുത്തുമെന്ന് കേന്ദ്രമന്ത്രി പറഞ്ഞു. കൊറോണകാലം മുതൽ അവശ്യമരുന്നുകളും ആരോഗ്യപ്രവർത്തകരേയും എത്തിച്ച് ഇന്ത്യ നൽകിയ സഹായവും അദ്ദേഹം ഓർമ്മിപ്പിച്ചു. ആരോഗ്യരംഗത്തും ഗവേഷണരംഗത്തും സഹകരണം തുടരുമന്നെും മാണ്ഡവ്യ പറഞ്ഞു.
യുഎഇയും ഇന്ത്യയും തമ്മിൽ സഹകരണം കൂടുതൽ ശക്തമാക്കാനായി ചികിത്സാരംഗത്ത് യോജിച്ചുള്ള പ്രവർത്തനങ്ങൾ തുടരും. യുഎഇ ആരോഗ്യ മന്ത്രിയുമായുള്ള കൂടിക്കാഴ്ചക്ക് നടത്തിയ ശേഷമാണ് മാണ്ഡവ്യ നയം വ്യക്തമാക്കിയത്. ലോക എക്സ്പോ വേദിയിലെ ഇന്ത്യൻ പവലിയൻ ഭാരതത്തിന്റെ പ്രൗഢി ഉയർത്തികാട്ടുന്നതാണെന്നും മൻസുഖ് മാണ്ഡവ്യ പറഞ്ഞു.
