ദുബായ്: യു.എ.ഇയും ഒമാനും തമ്മിൽ യാത്ര സംവിധാനങ്ങളിലെ പുതിയ മാനദണ്ഡങ്ങൾ പുറത്തിറക്കി. കൊറോണ മാനദണ്ഡങ്ങൾ അനുസരിച്ചാണ് തീരുമാനം.
പുതിയ മാനദണ്ഡമനുസരിച്ച് 14 ദിവസത്തിനിടയിൽ എടുത്ത പിസിആർ നെഗറ്റീവ് റിപ്പോർട്ടിന് പുറമേ കൊറോണ വാക്സിനേഷ സർട്ടിഫിക്കറ്റ് സഹിതം covid19.emushrif.om എന്ന വെബ്സൈറ്റിൽ രജിസ്റ്റർ ചെയ്യണം.
യു. എ. ഇയിൽ നിന്ന് ഒമാനിലേക്ക് യാത്ര ചെയ്യുന്നവർ വാക്സിൻ സ്വീകരിച്ച റജിസ്ട്രേഷന്റെ പകർപ്പ്, വാക്സിനേഷൻ സർട്ടിഫിക്കറ്റ്, നെഗറ്റീവ് പിസിആർ ഫലം അല്ലെങ്കിൽ ഒമാനിലെത്തിയ ശേഷം പിസിആർ പരിശോധന നടത്താനുള്ള റിസർവേഷൻ എന്നിവ കരുതണം. വാക്സിനേഷൻ സ്വീകരിക്കാത്തവർക്ക് റജിസ്ട്രേഷന്റെ പകർപ്പ്, നെഗറ്റീവ് പിസിആർ ഫലം അല്ലെങ്കിൽ ഒമാനിലെത്തിയ ശേഷം പിസിആർ പരിശോധന നടത്താനുള്ള വിശദാംശങ്ങൾ എന്നിവ വേണം.
ക്വാറന്റൈനിൽ നിന്ന് ഒഴിവാക്കപ്പെടാത്തവർ ക്വാറന്റൈ സെന്റർ റിസർവേഷൻ പകർപ്പുകളും കരുതണം. യാത്രക്കാർ വിമാനത്തിൽ കയറും മുൻപ് എല്ലാ രേഖകളുടേയും കൃത്യത പരിശോധിക്കണമെന്നും, മാർഗനിർദേശങ്ങൾ പാലിക്കാത്തവർക്ക് യാത്രാനുമതി നൽകിയാൽ വിമാനക്കമ്പനികൾക്ക് പിഴ ചുമത്തുമെന്നും ഒമാൻ സിവിൽ ഏവിയേഷൻ അതോറിറ്റി അറിയിച്ചു.
