ദോഹ: സുരക്ഷിത പഠനം ഉറപ്പാക്കാൻ ഖത്തറിൽ അർഹരായ മുഴുവൻ വിദ്യാർഥികൾക്കും ഉടൻ കൊറോണ വാക്‌സിൻ ബൂസ്റ്റർ ഡോസ് നൽകുമെന്ന് വിദ്യാഭ്യാസ-ഉന്നത വിദ്യാഭ്യാസ മന്ത്രാലയം അറിയിച്ചു. സർക്കാർ, സ്വകാര്യ സ്‌കൂളുകളിലെ അർഹരായ വിദ്യാർഥികൾക്കു പുറമേ അദ്ധ്യാപകർ, മറ്റു സ്‌കൂൾ ജീവനക്കാർ എന്നിവർക്ക് വാക്‌സിനേഷൻ കേന്ദ്രങ്ങളിൽ മുൻകൂർ ബുക്കിങ് ഇല്ലാതെ നേരിട്ടെത്തി ബൂസ്റ്റർ ഡോസ് സ്വീകരിക്കാം.
കൊറോണ രോഗികളുടെ എണ്ണം കുത്തനെ കൂടുന്ന പശ്ചാത്തലത്തിൽ ഈ ഞായർ മുതൽ ഒരാഴ്ചത്തേക്ക് സ്‌കൂളുകളിൽ ഓൺലൈൻ പഠനം മായിരിക്കുമെന്ന് മന്ത്രാലയം കഴിഞ്ഞ ദിവസം അറിയിച്ചിരുന്നു. നിലവിൽ ഖത്തറിൽ 12 വയസ്സിനു മുകളിലുള്ള വിദ്യാർത്ഥികൾക്കാണ് വാക്‌സിൻ നൽകുന്നത്.
Comments