ന്യൂഡൽഹി : പ്രധാനമന്ത്രി കിസാൻ സമ്മാൻ നിധി യോജനയുടെ ഭാഗമായി രാജ്യത്തെ കർഷകർക്ക് സഹായധനം വിതരണം ചെയ്ത പ്രധാനമന്ത്രി നരേന്ദ്രമോദിയ്‌ക്ക് നന്ദി പറഞ്ഞ് കേന്ദ്ര ആഭ്യന്തര മന്ത്രി അമിത് ഷാ. കർഷകരെ സ്വയം പര്യാപ്തരാക്കാനുള്ള സർക്കാരിന്റെ ശ്രമങ്ങൾക്കാണ് കഴിഞ്ഞ ഏഴ് വർഷമായി രാജ്യത്തെ ജനങ്ങൾ സാക്ഷ്യം വഹിക്കുന്നത്. കർഷകരെ ശക്തിപ്പെടുത്തുതാതെ യഥാർത്ഥ വികസനം സാദ്ധ്യമാകില്ലെന്നും അമിത് ഷാ പറഞ്ഞു. ട്വിറ്ററിലൂടെയായിരുന്നു അദ്ദേഹത്തിന്റെ പ്രതികരണം.
കാർഷിക മേഖല ഏറ്റവും കൂടുതൽ പ്രതിസന്ധി നേരിടുന്ന കാലത്ത് പിഎം കിസാൻ പദ്ധതിയിലൂടെ കർഷകരെ കടക്കെണിയിൽ നിന്നും രക്ഷിക്കുകയാണ് കേന്ദ്രസർക്കാർ ചെയ്യുന്നത്. കർഷകരെ സ്വയം പര്യാപ്തരാക്കാനുള്ള പ്രവർത്തനങ്ങളാണ് കേന്ദ്രസർക്കാരിന്റെ ഭാഗത്തു നിന്നും ഉണ്ടാകുന്നത്. കഴിഞ്ഞ ഏഴ് വർഷമായി കർഷകരെ സ്വയംപര്യാപ്തരാക്കാനുള്ള കേന്ദ്രസർക്കാരിന്റെ ഭാഗത്തു നിന്നും ഉണ്ടാകുന്നതെന്നും അദ്ദേഹം പറഞ്ഞു.
പിഎം കിസാൻ പദ്ധതിയുടെ 10ാം ഗഡുവാണ് പ്രധാനമന്ത്രി നരേന്ദ്രമോദി പുതുവത്സര ദിനത്തിൽ വിതരണം ചെയ്തത്. 20,000 കോടി രൂപയാണ് പത്താം ഗഡുവായി കർഷകരുടെ അക്കൗണ്ടുകളിൽ നിക്ഷേപിച്ചത്.
Comments