ഭൂമിയെപ്പോലെ, നമുക്ക് അറിയാവുന്ന മിക്ക ഗ്രഹങ്ങൾക്കും ഒരേ ആകൃതിയാണ്. എന്നാൽ സൗരയൂഥത്തിന് പുറത്തുള്ളവ ഉൾപ്പെടെ എല്ലാ ഗ്രഹങ്ങൾക്കും ഗോളാകൃതിയാണോ എന്ന ചോദ്യത്തിന് അല്ലാ എന്നാണ് ഇപ്പോൾ ഗവേഷകർ നൽകുന്ന ഉത്തരം . ചില ഗ്രഹങ്ങൾ ഉരുളക്കിഴങ്ങിന്റെ ആകൃതിയിലും ഉണ്ടെന്നാണ് പുതിയ പഠന റിപ്പോർട്ട്.
ഭൂമിയിൽ നിന്ന് ഏകദേശം 1,500 പ്രകാശവർഷം അകലെയുള്ള ഹെർക്കുലീസ് എന്ന താരാപഥത്തിലാണ് ഉരുളക്കിഴങ്ങിന്റെ ആകൃതിയിലുള്ള വാസ്പ് -103b എന്ന് പേരിട്ടിരിക്കുന്ന ഗ്രഹത്തെ ഗവേഷകർ കണ്ടെത്തിയത് . വ്യാഴത്തിന്റെ ഒന്നര ഇരട്ടി വലിപ്പവുമുണ്ട്.
ഈ ഗ്രഹം അതിന്റെ നക്ഷത്രത്തോട് വളരെ അടുത്താണു സ്ഥിതി ചെയ്യുന്നത്. സൂര്യനേക്കാൾ വലുതും കൂടുതൽ പിണ്ഡമുള്ളതുമാണ് വാസ്പ് 103 നക്ഷത്രം . ഇതാകാം ഈ വ്യത്യസ്ത ആകൃതിയ്ക്ക് കാരണമെന്നും പറയപ്പെടുന്നു . സാധാരണ ഗ്രഹങ്ങൾക്കുള്ള ആകൃതിയിൽ നിന്നു വിഭിന്നമായ ആകൃതിയാണ് ഈ ഗ്രഹത്തെ വളരെ ശ്രദ്ധേയമാക്കുന്നത്.
ആസ്ട്രോണമി ആൻഡ് ആസ്ട്രോഫിസിക്സ് ജേണലിൽ പ്രസിദ്ധീകരിച്ച പഠനത്തിൽ, ഈ ഗ്രഹം അതിന്റെ നക്ഷത്രത്തിൽ നിന്ന് 20,000 മൈൽ മാത്രം അകലെയാണെന്നും നക്ഷത്രത്തിന്റെ ഗുരുത്വാകർഷണബലം ഗ്രഹത്തിൽ ഏർപ്പെടുത്തുന്ന സ്വാധീനമാണ് ഈ ആകൃതിയ്ക്ക് കാരണമെന്നുമാണ് ശാസ്ത്രജ്ഞരുടെ കണ്ടെത്തൽ . വാസ്പ് ഗ്രഹത്തെപ്പറ്റി കൂടുതൽ പഠനങ്ങൾ നടത്താൻ നിശ്ചയിച്ചിരിക്കുകയാണ് ശാസ്ത്രജ്ഞന്മാർ. ഗ്രഹത്തിന്റെ ആന്തരിക ഘടന, അന്തരീക്ഷം എന്നിവയെപ്പറ്റി സമഗ്രമായി പഠിക്കും
സാധാരണ ഗതിയിൽ സൂര്യനെയും സൗരയൂഥത്തിലെ മറ്റ് ഗ്രഹങ്ങളെയും ചുറ്റാൻ ഭൂമിക്ക് ഒരു വർഷമെടുക്കും. എന്നാൽ വാസ്പ് -103b യുടെ പരിക്രമണ കാലയളവ് വെറും 22 മണിക്കൂറാണ്.
Comments